ჟულიენი რესტორან „შატროს“ ევროპული სამზარეულოს მზარეულ ალექსანდრე კოშკელოვის რეცეპტით.
ჟულიენის მოსამზადებლად საჭიროა:
ქათმის ფილე - 150 გრ;
ქამა სოკო - 100 გრ;
ხახვი - 30 გრ;
არაჟანი - 1 სუფრის კოვზი;
გახეხილი სულგუნი - 50 გრ;
მარილი და შავი პილპილი - გემოვნებით.
მომზადების წესი:
კარგად გარეცხილი ფილე მოგრძო ნაჭრებად დაჭერით.
მოაყარეთ მარილი, პილპილი და ზეთიან ტაფაზე ორივე მხრიდან შეწვით.
სანამ ფილე შეიწვება, ხახვი წვრილად დაჭერით, სოკო კი - ოთხ ნაწილად.
მოასხით ტაფას სულ ოდნავ ზეთი და ხახვი და სოკო ერთად მოშუშეთ.
პროდუქტების კარგად ჩაშუშვის შემდეგ, დაამატეთ მარილი და 1 სუფრის კოვზი არაჟანი.
როგორც კი შეამჩნევთ, რომ ტაფაზე მოთავსებული მასა თუხთუხებს, გაზქურა გამორთეთ.
ახლა გადავიდეთ მეორე ნაწილზე: მიღებული მასა ტაფიდან ცეცხლგამძლე ჭურჭელში გადაიტანეთ, მოაყარეთ გახეხილი ყველი და 170 გრადუსზე გაცხელებულ ღუმელში 15-20 წუთით შედგით.
შენიშვნა:
კერძის დიდხანს დუღილმა შესაძლოა, არაჟანი აჭრას.
არ დაგავიწყდეთ, რომ მარილი ფილეზე გაქვთ მოყრილი, ამიტომ მოშუშვის პერიოდში მარილი ძალიან მცირე რაოდენობით დაამატეთ. ეცადეთ, კერძი არ გადაამლაშოთ.
ჟულიენის მოსამზადებლად 30 წუთი სრულიად საკმარისია.
გემრიელად მიირთვით!
ფოტოგრაფი: ნინუცა მანდარია