ბისკვიტისთვის საჭიროა:
კვერცხი - 8 ცალი
შაქარი - 8 სუფრის კოვზი
ფქვილი - 8 სუფრის კოვზი
კაკაო - 200 გრ.
ვანილი
კვერცხის გულები და ცილა გააცალკევეთ.
გული შეინახეთ, ცილებს კი შაქარი დააყარეთ და მიქსერით მკვრივი კონსისტენციის ბეზეს წარმოქმნამდე თქვიფეთ.
ბეზეს სათითაოდ შეათქვიფეთ კვერცხის გულები.
კიდევ 1-2 წუთი თქვიფეთ და მიქსერი გამორთეთ.
ცალკე ჯამში აურიეთ გაცრილი ფქვილი, კაკაო, ვანილი, შემდეგ კი ხის კოვზის დახმარებით ფაქიზად შეურიეთ ათქვეფილ მასაში.
გამზადებული ცომი დაასხით ცხიმწასმულ კალკაზე და 20 წუთის განმავლობაში საშუალო ცეცხლზე გამოაცხვეთ.
დასანამი სიროფისთვის საჭიროა:
წყალი - 1 ლიტრი
შაქარი - ნახევარი ჭიქა
კონიაკი - 1 სუფრის კოვზი
ხსნადი ყავა - ერთი სუფრის კოვზი
დასანამ სიროფად ნებისმიერი კომპოტიც გამოდგება, მაგრამ, თუ კლასიკურ სიროფს ამჯობინებთ, წყალი და შაქარი წამოადუღეთ და გაგრილებულს კონიაკი დაუმატეთ.
კრემისთვის საჭიროა:
წყალი - 1 ლიტრი
ნაღები - 1 ჩაის ჭიქა
კაკაო ან შოკოლადი - 100 გრ.
„ციყვებისთვის“ ზოგიერთი დიასახლისი კლასიკურ, მოხარშულ კრემს ამჯობინებს.
თუ კლასიკურს მსუბუქი და ჰაეროვანი კრემი გირჩევნიათ, ნაღები მიქსერით ათქვიფეთ და კარგად რომ ამოფუმფულდება, გაცრილი კაკაო ან გამდნარი შოკოლადი დაუმატეთ.
„ციყვების“ აწყობა:
გამომცხვარი ბისკვიტი საშუალო ზომის ჭიქებით დაჭერით.
თითოეული რგოლი შუაში გაჭერით, დანამეთ და შიგნით და კიდეებზე კრემი წაუსვით.
რგოლების ამოჭრის შემდეგ მორჩენილი ბისკვიტი ხელით კარგად დაფშვენით და მასში კრემწასმული რგოლები კარგად ამოავლეთ.
შენიშვნა:
თუ შავტუხა „ციყვებს“ თეთრები გირჩევნიათ, ბისკვიტსა და კრემში კაკაოს ნუ დაამატებთ.
გემრიელად მიირთვით!