ნამცხვრისთვის დაგჭირდებათ:
ფქვილი - დაახლოებით, 1 კგ.
შაქარი - 300 გრ.
ზეთი - 100 გრ.
მარგარინი - 2 ცალი („დილა“ ან „ონა“)
მწიკვი ვანილი
კოვზი სოდა ან გამაფხვიერებელი - 1/2 ჩ. კოვზი
ვაშლი - 1 კგ.
მომზადება:
დარბილებული მარგარინი, შაქარი და ზეთი ერთმანეთში კარგად აურიეთ.
დაუმატეთ ფქვილი იმდენი, რომ პლასტელინივით ცომი მოიზილოს და გაყავით ორ ნაწილად.
ძალიან ფხვიერი ცომი გამოდის, ამიტომ შეიძლება, გაბრტყელება გაგიჭირდეთ.
ქვედა ფენა შეგიძლიათ, პირდაპირ ცხიმწასმულ და ფქვილმოყრილ თუნუქის ლანგარზე გააბრტყელოთ. კარგად გარეცხილი ვაშლი გაფცქვენით, დაჭერით წვრილ ნაჭრებად და ცომს მოაყარეთ.
ცომზე მოყრილ ვაშლს მოაფრქვიეთ 100 გრ. შაქარი და ცომის მეორე ნაჭერი თავზე გადააფარეთ. შეგიძლიათ, თავზე დასაფენი ცომი წვრილ ზოლებად დაჭრათ და ნამცხვარი თქვენი გემოვნებით გააფორმოთ.
გამომცხვარს თავზე მოაფრქვიეთ შაქრის პუდრა.
გემრიელად მიირთვით!
ფოტოგრაფი ნინუცა მანდარია.