ცომისთვის საჭიროა:
ვაშლი - 5 ცალი
ზეთი -1/2 ჭიქა
შაქარი - 2 ჭიქა
ფქვილი
სოდა-ძმრით - 1 ჩ.კ.
ვანილი
ნიგვზიანი გულსართისთვის საჭიროა:
გატარებული ნიგოზი - 1 ჩ. ჭიქა
შაქარი - 1 ჩ. ჭიქა
ქიშმიში -1 ჩ. ჭიქა
მომზადების ტექნოლოგია:
ვაშლები კარგად გარეცხეთ, კანი გააცალეთ და გახეხეთ.
გახეხილ ვაშლს დაამატეთ ზეთი, შაქარი და კარგად აურიეთ.
ამ მასაში ჩაუშვით სოდა-ძმრით, ვანილი და იმდენი ფქვილი, რომ საშუალო სიმაგრის ცომი მიიღოთ.
გამზადებული ცომი გაყავით 6 ნაწილად.
თითოეული ნაწილი გააბრტყელეთ მრგვლად და რვა ნაწილად გაჭერით. შეგიძლიათ, ცომი კვადრატულ ფორმაზეც გააბრტყელოთ, მთავარია, რომ სამკუთხედებად დაჭრათ.
გულსართისთვის საჭირო ინგრედიენტები ერთმანეთში კარგად აურიეთ. დაახლოებით, ერთი ჩაის კოვზის ოდენობის გულსართი გამზადებული ცომის ერთ სამკუთხედზე დადეთ და მსხვილი ბოლოდან წვრილის მიმართულებით გადაახვიეთ.
გამოაცხვეთ საშუალო ცეცხლზე დაახლოებით 20 წუთის განმავლობაში. გემრიელად მიირთვით.
შენიშვნა:
გამოცხობამდე 10 წუთით ადრე „სიგარეტები“ ჰაერღუმელიდან გამოიღეთ და თითოეულს სილიკონის ფუნჯით კვერცხის გული გადაუსვით.
თუ მარხვაზე ბრძანდებით, უკვე გამომცხვარს თავზე შაქრის პუდრა მოაყარეთ.
გემრიელად მიირთვით!
