ხილის უგემრიელესი ნამცხვარი მათთვის, ვინც მარხულობს

ცომისთვის საჭიროა:
შაქარი - 3 ჭიქა
ფქვილი - 6 ჭიქა
მარგარინი „ონა“ - 1 შეკვრა
საფუარი - 1 სუფრის კოვზი
ლიმონი - 1 ცალი
ვანილი

ხილის გულსართი:
ვაშლი ან ნებისმიერი რბილი ხილი - 1 კგ.
შაქარი - 1,5 ჭიქა
ვანილი - დანის წვერით.

მოქმედება 1:
საშუალო ზომის ჯამში ჩაყარეთ ფქვილი, დაუმატეთ შაქარი და დარბილებული მარგარინი. ხელის მოძრაობით მარგარინი კარგად შეაზილეთ ფქვილს და გააკეთეთ ფხვიერი მასა.

მოქმედება 2:
ცალკე ჯამში ჩაასხით 300 გრ თბილი წყალი. დაუმატეთ საფუარი, ვანილი და გახეხილი ლიმონი. საფუარიანი წყალი დაასხით მარგარინიან ფქვილს, მოზილეთ ცომი და ნახევარი საათი გააჩერეთ.

მოქმედება 3:
ვაშლი ან ნებისმიერი რბილი ჯიშის ხილი წვრილად დაჭერით და ქვაბში მოათავსეთ. დააყარეთ შაქარი, ვანილი და 5 წუთი წამოადუღეთ.

მოქმედება 4:
ამოსული ცომი გაყავით ერთ დიდ და ერთ მომცრო ნაწილად.
უფრო დიდი ნაწილი ცხიმწასმულ ფორმაში გააბრტყელეთ და თავზე დაშაქრული ხილი მოაწყვეთ.
ცომის მეორე ნაწილი გააბრტყელეთ და ნამცხვარს მთლიანად ან დაწნული ზოლების სახით გადააფარეთ.
გამოაცხვეთ ზომიერად გახურებულ ღუმელში.

გემრიელად მიირთვით!