უნაზესი შოკოლადის „ქინდერი“ - ძნელია, ცდუნებას გაუძლო

ბისკვიტის შემადგენლობა:
კვერცხი - 20 ცალი
შაქარი - 400 გრ.
ფქვილი - 300 გრ.
კაკაო - 140 გრ.

კრემის შემადგენლობა:
კარაქი - 500 გრ.
შესქელებული რძე - 400 გრ.
ნუთელა ან შავი შოკოლადი - 200 გრ.
ვანილი - დანის წვერით.

დასანამი სიროფი:
შოკოლადის ტოპინგი  - 50 გრ.
შაქარი - 100 გრ.
წყალი - 100 გრ.

შენიშვნა: ბისკვიტის ზემოჩამოთვლილი ინგრედიენტებიდან ორი ბისკვიტი უნდა გამოაცხოთ. შესაბამისად, ყველა პროდუქტი ორ ნაწილად უნდა გაყოთ.

მოქმედება 1:
10 კვერცხის ცილა მიქსერით მყარი, ღრუბლისებური მასის წარმოქმნამდე თქვიფეთ.
შემდეგ, თქვეფის შეუჩერებლად, ნელ-ნელა დაუმატეთ შაქარი, კვერცხის გულები და თქვეფა გააგრძელეთ.
მასა მოცულობაში კარგად რომ მოიმატებს, ერთმანეთში არეული კაკაო და ფქვილი ნელ-ნელა, საცრის დახმარებით დაუმატეთ.
ფქვილოვანი მასის გაცრა იმისთვისაა აუცილებელი, რომ ჰაეროვანი ბისკვიტი მიიღოთ.  
ფქვილის დამატების პროცესში ცომი ხის კოვზით ფრთხილად ურიეთ, რათა ფქვილი და კაკაო თანაბრად გადანაწილდეს.
ცომი ჩაასხით ცხიმწასმულ ყალიბში და 180 გრადუსზე, 15 წთ. განმავლობაში აცხვეთ.
იმავე წესით უნდა გამოაცხოთ ბისკვიტის მეორე ფენაც.

მოქმედება 2:
სანამ ბისკვიტები ცხვება, შეგიძლიათ, დასანამი სიროფი და კრემი გაამზადოთ. დავიწყოთ სიროფით: შაქარი და წყალი აურიეთ და წამოადუღეთ.
დაუმატეთ შოკოლადის ტოპინგი ან უბრალო სეროფი, შემდეგ ცეცხლიდან გადმოდგით და გააგრილეთ.

მოქმედება 3:
მოამზადეთ კრემი. ამისთვის საჭიროა კარაქის კარგად ათქვეფა.
კარაქი  რომ აფუმფულდება და მოცულობაში მოიმატებს, დაუმატეთ შესქელებული რძე, ნუთელა ან გამდნარი შავი შოკოლადი და ვანილი.
ცოტა ხანს კიდევ თქვიფეთ და კრემი მზადაა.

მოქმედება 4:
გაგრილებული ბისკვიტის ფენები დანამეთ, წაუსვით კრემი და თქვენი გემოვნებით გააფორმეთ.
გასაფორმებლად შეგიძლიათ, გახეხილი შოკოლადი ან შოკოლადის ჟელე გამოიყენოთ. 

გემრიელად მიირთვით!