ვაშინგტონია - ულამაზესი დეკორატიული პალმა

მებაღის რჩევები

6 ივლისი 14:00, 2016 წელი

ვაშინგტონია ულამაზესი დეკორატიული პალმაა, რომელიც შეგიძლიათ, გაახაროთ როგორც ოთახში, ისე ღია გრუნტში.

ვაშინგტონია (ლათ. Washingtonia) – პალმისებრთა ოჯახის წარმომადგენელი მცენარე, რომელიც გავრცელებულია ამერიკის შეერთებული შტატების სამხრეთ ნაწილსა და დასავლეთ მექსიკაში.
ვაშინგტონიას მთავარი ღირსება, დეკორატიულობის გარდა, ყინვაგამძლეობაა. ამიტომ იგი შეგიძლიათ გაახაროთ ოთახის პირობებშიც და ღია გრუნტშიც. 
ვაშინგტონიას დიდი ფოთლები სიმეტრიული მარაოს ფორმისაა და დაყოფილია სეგმენტებად. სეგმენტებს შორის ვითარდება მრავალრიცხოვანი ძაფები. ამ თვისების გამო ვაშინგტონიას მეორენაირად „ბამბის პალმასაც“ უწოდებენ. 
კულტურაში, ძირითადად, გავრცელებულია ვაშინგტონიას ორი სახეობა: Washingtonia filifera და Washingtonia robusta.



განათება
ვაშინგტონია ძალზე სინათლის მოყვარული პალმაა. ამიტომ აუცილებლად უნდა მოათავსოთ ოთახის ყველაზე კარგად განათებულ კუთხეში. დროდადრო მცენარე აუცილებლად შემოატრიალეთ, რათა სიმეტრიულად განუვითარდეს ფოთლები.
ზაფხულობით შეგიძლიათ, მცენარე აივანზე, ან ღია ტერასაზე გაიტანოთ. მხოლოდ ადგილი არ უნდა იყოს ძალიან ნესტიანი, მცენარეს, ასევე ვნებს ხანგრძლივი წვიმები.

ტემპერატურა
ვაშინგტონიას ძალიან უყვარს სითბო, მიუხედავად იმისა, რომ ყინვაგამძლე მცენარეა.  გაზაფხულსა და ზაფხულში ჰაერის ტემპერატურა 20-25 გრადუსი უნდა იყოს, ხოლო ზამთარში ტემპერატურა 10-12 გრადუსამდე მაინც უნდა დასწიოთ. ხანმოკლე დროით, მცენარეს -5 გრადუსზეც შეუძლია გაძლოს.


ჰაერის ტენიანობა
ჰაერის მაღალი ტენიანობა ვაშინგტონიასთვის აუცილებელ პირობას არ წარმოადგენს და მცენარე თავს კარგად გრძნობს მშრალ ჰაერზეც. პირიქით, ძალიან მაღალი ჰაერის ტენიანობა მცენარეს აზიანებს კიდეც და მის დაავადებას იწვევს.

მორწყვა
გაზაფხულსა და ზაფხულში ვაშინგტონია უხვად მორწყეთ, თუმცა მცენარეს დიდი ხნის მოურწყველობაც არაფერს ვნებს. მოსარწყავად ოდნავ თბილი, ნადგომი წყალი გამოიყენეთ. ზამთარში მორწყვა შედარებით გააიშვიათეთ - რაც უფრო დაბალია ტემპერატურა მცენარე მით უფრო ნაკლებად მორწყეთ.

განოყიერება
მარტიდან სექტემბრის ბოლომდე მცენარე 2 კვირაში ერთხელ, რომელიმე კომპლექსური მინერალური სასუქით გაანოყიერეთ. ზამთარში ვაშინგტონიას განოყიერება არ სჭირდება.

გადარგვა
პალმების უმრავლესობის მსგავსად, გადარგვაზე ვაშინგტონიაც ცუდად რეაგირებს, ამიტომ ახალგაზრდა მცენარე 1-2 წელიწადში ერთხელ, ძალიან ფრთხილად უნდა გადარგათ, ხოლო ზრდასრულ მცენარეს მხოლოდ მიწის ზედა ფენა გამოუცვალეთ. ქოთანი რაც შეიძლება ღრმა უნდა იყოს, ხოლო ქოთნის ძირში აუცილებელია კარგი დრენაჟი.
ოთახის პირობებში, მცენარე მხოლოდ 7-8 წლამდე შეგიძლიათ, გაახაროთ, რადგან ამის შემდეგ ის დეკორატიულობას კარგავს და იმდენად დიდი იზრდება, რომ შეუძლებელია მისი ოთახში დატოვება. ამიტომ მცენარე ქოთნიდან ფრთხილად ამოიღეთ და ღია გრუნტში გადარგეთ.

ნიადაგი
ვაშინგტონია პალმებისთვის განკუთვნილ სპეციალურ სუბსტრატში ჩარგეთ, ან საჭირო სუბსტრატი თანაბარი რაოდენობის კორდის მიწის, გადამწვარი ნაკელის, ფოთლოვანი მიწისა და ქვიშისგან თავად მოამზადეთ.

გასხვლა
მცენარეს აუცილებლად უნდა მოაჭრათ ქვემოთა ფოთლები, მხოლოდ გახმობისა და გაყვითლების შემდეგ.

გამრავლება

ვაშინგტონია შეგიძლიათ, მხოლოდ თესლით გაამრავლოთ. ამისთვის საჭიროა: კარგად მომწიფებული თესლი 24 საათის განმავლობაში თბილ წყალში ჩაალბოთ და მხოლოდ ამის შემდეგ, ჩათესოთ ქვიშისა და ტორფის ნაზავში.

მავნებლები

ვაშინგტონიას ზოგჯერ ფოთლებზე მავნებლები უჩნდება. ასეთ დროს მცენარეს ფოთლები უნდა გაუწმინდოთ საპნიან წყალში დასველებული ტამპონით, ხოლო, თუ ამანაც არ უშველა, მაშინ უმჯობესია, რომელიმე ინსეკტიციდით შეწამლოთ.

დღის ჰოროსკოპი

21 დეკემბრის ასტროლოგიური პროგნოზი

რას გვირჩევენ ვარსკვლავები 21 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

20 დეკემბრის ასტროლოგიური პროგნოზი

რას გვირჩევენ ვარსკვლავები 20 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

19 დეკემბრის ასტროლოგიური პროგნოზი

რას გვირჩევენ ვარსკვლავები 19 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

18 დეკემბრის ასტროლოგიური პროგნოზი

რას გვირჩევენ ვარსკვლავები 18 დეკემბრისთვის ჯანმრთელობის, ბიზნესის და სიყვარულის მიმართულებით?
NEW

ფსიქოთერაპია სამედიცინო პერსონალისთვის - ის რაც Covid-19-თან ბრძოლისას ნიღაბზე არანაკლებ მნიშვნელოვანია

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს უფინანსებს
დღის ჰოროსკოპი

17 დეკემბრის ასტროლოგიური პროგნოზი

რას გვირჩევენ ვარსკვლავები 17 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

16 დეკემბრის ასტროლოგიური პროგნოზი

რას გვირჩევენ ვარსკვლავები 16 დეკემრითვის ჯანმრთელობის, ბიზნესის და სიყვარულის მიმართულებით?
NEW

მუზეუმების კონკურსი მთელი საქართველოს მასშტაბით

„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
დღის ჰოროსკოპი

15 დეკემბრის ასტროლოგიური პროგნოზი

რას გვირჩევენ ვარსკვლავები 15 დეკემბრისთვის ბიზნესის, ჯანმრთელობისა და სიყვარულის მიმართულებით?!  
NEW

სასარგებლო რჩევები, სანამ გამათბობელს ჩავრთავთ

ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.
დღის ჰოროსკოპი

14 დეკემბრის ასტროლოგიური პროგნოზი

რას გვირჩევენ ვარსკვლავები 14 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

13 დეკემბრის ასტროლოგიური პროგნოზი

რას გვირჩევენ ვარსკვლავები 13 დეკემბრისთვის ჯანმრთელობის, ბიზნესის და სიყვარულის მიმართულებით?