„არდიმ“ „სუხიშვილები“ მილიონ ლარად დააზღვია!

მოზაიკა

2 თებერვალი 14:45, 2017 წელი

ქართული ნაციონალური ბალეტის ყველა წევრი სადაზღვევო კომპანია „არდიმ“ ერთ მილიონ ლარად დააზღვია. ანსამბლის ხელმძღვანელმა ნინო სუხიშვილმა და სადაზღვევო კომპანიის დირექტორმა მიხეილ ჯაფარიძემ კონტრაქტს ხელი უკვე მოაწერეს. ხელშეკრულების თანახმად, დასის ყველა წევრი პროფესიულ ტრავმებზე იქნება დაზღვეული. მოცეკვავეებს პროფესიული ტალანტის დაკარგვის შემთხვევაში „არდი“ ორი წლის განმავლობაში ხელფასით უზრუნველყოფს. დაზღვევა გავრცელდება დასის გასტროლებისას მსოფლიოს ნებისმიერ ქვეყანაში.

სადაზღვევო კომპანია „არდის“ დირექტორ მიხეილ ჯაფარიძის განცხადებით, კომპანიისთვის დიდი პატივია, იყოს ქართული ნაციონალური ბალეტის „სუხიშვილების“ პარტნიორი და მზღვეველი.


„სუხიშვილების ნაციონალური ბალეტის სახით საქართველოს ჰყავს სუპერვარსკვლავები, რომლებიც მსოფლიო დონის მეგა ვარსკვლავებს არ ჩამოუვარდებიან. ამიტომ მიგვაჩნია, რომ, თუ მსოფლიოში ასეთი ვარსკვლავების პროფესიული ტალანტი დაზღვეულია, საქართველოშიც უნდა ისარგებლონ მსგავსი უნიკალური მომსახურებით. გვჯერა, რომ ამ ნოვატორული პრეცედენტით „არდი“ შექმნის ახალ ისტორიას თანამედროვე სადაზღვევო ინდუსტრიაში“, - აღნიშნა მიხეილ ჯაფარიძემ.


„არდის“ დირექტორის თქმით, საქართველოს სადაზღვევო ბაზარი განვითარებადია და ერთგვაროვნებით გამოირჩევა, „არდის“ მიერ შეთავაზებული უპრეცედენტო სადაზღვევო პროდუქტი კი, ზოგადად, ბაზრის განვითარებისთვისაც მნიშვნელოვანია.


ნინო სუხიშვილის თქმით, „არდისთან“ გაფორმებული მემორანდუმი დასისთვის ძალიან მნიშვნელოვანია. დასის ხელმძღვანელის განმარტებით, პროფესიული ტრავმები საკმაოდ ხშირია და მოცეკვავეების დაზღვევა აუცილებელია.
„მსოფლიოში ცნობილი ადამიანები იზღვევენ ხელებს, ფეხებს, რაც მათ უნიკალურ ნიჭს განაპირობებს, ეს ცნობილი ფაქტია და მოხარული ვარ, რომ საქართველოშიც მოხდა მსგავსი პრეცედენტი. ბედნიერი ვარ და იმედი მაქვს, რომ ჩვენი თანამშრომლობა კარგ შედეგს გამოიღებს“, - აღნიშნა ნინო სუხიშვილმა.


„არდის“ პროდუქტების განვითარების დეპარტამენტის უფროსის თეონა გოდერიძის განმარტებით, დაზღვევა ვრცელდება დასის ყველა წევრზე, მათ შორის - მუსიკოსებზეც.
„ჩვენ შეგნებულად არ გამოვყავით გარკვეული ნაწილი, ვინაიდან სუხიშვილების გენია არის ერთ მთლიანობაში. ჩვენ ვგრძნობთ დიდ პასუხისმგებლობას, რომ ქართული ხელოვნების ისეთი საგანძური, როგორიც „სუხიშვილების“ დასია, საკუთარი პროფესიული უნარ-ჩვევების დასაზღვევად კომპანია „არდის“ ირჩევს“, - აღნიშნა თეონა გოდერიძემ.


სპეციალურად ამ მოვლენისთვის დამზადებული ოქროს პერგამენტიანი სადაზღვევო პოლისი, რომლის ჯამური სადაზღვევო ლიმიტი 1 მილიონი ლარია, სუხიშვილების ნაციონალური ბალეტის შენობაში განსაკუთრებულ, დაცულ ადგილას განთავსდა.  

დღის ჰოროსკოპი

21 იანვრის ასტროლოგიური პროგნოზი

რას გვირჩევენ ვარსკვლავები 21 იანვრისთვის ბიზნესის, ჯანმრთელობისა და სიყვარულის მიმართულებით?!
საკნატუნო ამბები

„პერფექციონისტის სამოთხე“, რომელსაც თვალს ვერ მოსწყვეტთ

იდეალური წესრიგი ყოველთვის ადამიანის ნახელავი არ არის, ეს ბუნებასაც არანაკლებ ემარჯვება...
საკნატუნო ამბები

ცნობილები, რომლებიც ერთი ასაკის აღმოჩნდნენ

ზოგიერთი ვარსკვლავის თანატოლობა მართლაც დაუჯერებელია, მაგრამ ფაქტი ჯიუტია...
იცით თუ არა...

ამ ქალმა კიბოს დამარცხების შემდეგ უცნაური უნარი შეიძინა

ეს ახალგაზრდა ქალი ბრიტანელი ჯენი ო'შეაა. მას თეძოს მიდამოებში ავთვისებიანი სიმსივნე ჰქონდა. ოპერაციის დროს ექიმებმა ქალს თეძოს მარჯვენა ნახევარი მთლიანად ამოკვეთეს და რბილი ქსოვილები პროთეზით შეცვალეს.
თემატური ჰოროსკოპი

ზოდიაქოს სამი ნიშანი, რომელსაც 2018 წელს კარიერაში წინსვლა ელოდება

ყოველ წელს პლანეტები და ვარსკვლავები გარკვეული წესით ლაგდებიან და ამით ზოგს წარმატებას უქადიან, სხვებს კი ცხოვრებას ურთულებენ. ნახეთ, თქვენც გაგიმართლებთ თუ არა 2018 წელს კარიერაში.
საკნატუნო ამბები

ამ 4 ქალიდან რომელია ყველაზე ასაკიანი?

ამ კითხვაზე პასუხით თქვენი ფსიქოტიპის განსაზღვრა შეიძლება. როცა შეიტყობთ, რას მალავს თქვენი „მე“, გაოცებული დარჩებით.
სიყვარულის ისტორიები

მოდელები, რომლებმაც სიყვარულის გამო სიცოცხლე თვითმკვლელობით დაასრულეს

მოდის სამყარო რეალობაში სულაც არ ჰგავს ზღაპარს. ამ ლამაზ გოგოებსაც გამოუცდიათ უიღბლო სიყვარული, ღალატი, წარუმატებლობა. მათთვის უცხო არ არის დეპრესია და სულიერი აშლილობები. ზოგიერთები ამასთან გამკლავებას ახერხებენ, ზოგიერთები - ვერა...
თავსატეხი

რომელია განსხვავებული?

ამ ლარნაკებიდან ერთ-ერთი დანარჩენებისგან მოხატულობით განსხვავდება. შეძლებთ მის პოვნას? 
საკნატუნო ამბები

საბავშვო საძინებლები, რომელთა იდეა და დიზაინი აუცილებლად მოგნუსხავთ (20 ფოტო)

აქ არა მხოლოდ ბავშვები, არამედ უფროსებიც სიამოვნებით მოეწყობით, მით უფრო, თუ „სიმაღლეზე" ყოფნა გიყვართ.
საკნატუნო ამბები

ქალის ინტიმური ზონა: მოვლის 5 წესი, რომელიც უნდა დაიმახსოვროთ

ქალების უმეტესობა ინტიმური ზონის მოვლას დიდ დროს ანდომებს, თუმცა აქ მთავარია, რამდენად სწორად აკეთებთ ამას...
დღის ჰოროსკოპი

20 იანვრის ასტროლოგიური პროგნოზი

რას გვირჩევენ ვარსკვლავები 20 იანვრისთვის ბიზნესის, ჯანმრთელობისა და სიყვარულის მიმართულებით?!