მართალია, სულ რაღაც, ერთი წლის ვართ, თუმცა პატარა ყოველთვის არ ნიშნავს გამოუცდელს.
ამ ერთი წლის განმავლობაში გუნდის თავდაუზოგავ მუშაობას მოჰყვა ბევრი წარმატებული რუბრიკა, საინტერესო რესპონდენტი და, რაც მთავარია, ბევრი ერთგული მომხმარებელი. სწორედ თქვენმა აქტიურობამ განაპირობა ჩვენი წარმატება.
ერთი წლის იუბილეზე Funtime ტელეკომპანია GDS-მა მიიპატიჟა.
განვლილ წელსა და ახალი 2016 წლის გეემებზე ჩვენმა მთავარმა რედაქტორმა ხათუნა გოგიშვილმა ისაუბრა:
- ყოველდღე 60 ათას კომპიუტერში იხსნება Funtime. ვფიქობ, ამ ერთი წლის მანძილზე ეს საკმაოდ კარგი მაჩვენებელია. ჟურნალის სლოგანია „მხოლოდ პოზიტივი“. ჩვენ ვცდილობთ, მკითხველებს შევუქმნათ კომფორტული სივრცე დასვენებისა და შემეცნებისთვის.
პოზიტიურმა Funtime-მა თავისი განწყობა GDS-ის „შუადღესაც“ გადასდო. ეთერში რეკლამის მსვლელობისას წამყვანებმა დრო არ დაკარგეს და ჩვენს ფოტოობიექტივთან სიამოვნებით იპოზიორეს.
საუკეთესო სურვილებით გილოცავთ ახალ წელს!
Funtime.ge 2016 წელს უფრო მეტ პოზიტივს და საინტერესო თემას გპირდებათ.