3 მარტს, დედის დღესთან დაკავშირებით, ვაკეში, მერაბ ბერძენიშვილის სახელობის კულტურის საერთაშორისო ცენტრ ,,მუზაში“, ვაკის გამგეობის ორგანიზებით, კონცერტი გაიმართა. ღონისძიებას რაიონში რეგისტრირებული სოციალურად დაუცველი მრავალშვილიანი დედები და პენსიონერი ქალბატონები დაესწრნენ.
დედებს უმღერეს ნუკრი კაპანაძემ, დათო არჩვაძემ, კვარტეტმა „ჰანგებმა“, თამრიკო ჭოხონელიძემ და მარიამ როინიშვილმა, აჩიკო ნიჟარაძემ და ბევრმა სხვა პოპულარულმა მომღერალმა.
დედა-შვილის, თამრიკო ჭოხონელიძისა და მარიამ როინიშვილის მიერ შესრულებულ სიმღერას „მადლობელი ვარ“ დარბაზში მყოფი დედებისთვის ყველაზე ამაღელვებელი აღმოჩნდა და დიდი ოვაციებიც აპლოდისმენტებიც მოჰყვა.
ასევე, დიდი აღფრთოვანება გამოიწვია საქართველოს პენსიონერთა კავშირის თავჯდომარემ - 96 წლის ადერკინ კოპლატაძემ სცენიდან სათვალის გარეშე წაკითხა სიტყვა. ბატონმა ადერკინმა ქართველ დედას განსაკუთრებულ ფენომენი უწოდა, რომელსაც მზრუნველობა და სიყვარული სჭირდება.
ღონისძიებას ვაკის გამგებელი ნოდარ ტურძელაძე, დეპუტატი გიორგი მუსხელიშვილი და გამგებლის მოადგილეები დაესწრნენ.
დასარულს მიწვეულ ქალბატონებს დედის დღის აღსანიშნავად თაიგულები მიართვეს, ფურშეტით გაუმასპინძლდნენ და კიდევ ერთხელ აგრძნობინეს, თუ რამხელა ძალა აქვს დედას საქართველოში.