წელს „თბილისის მოდის კვირეული“ დიდი ნინო რამიშვილის სამოსის ჩვენებით გაიხსნა. „ეპოქა და მოდა“ - ამ სახელწოდების პერფორმანსით 19 ოქტომბერს „სუხიშვილებმა“ წარმოადგინეს 60-იანი წლების ერთ-ერთი ყველაზე გემოვნებიანი ქალბატონის მიერ შექმნილი 15 კაბა, აქსესუარებით.
შემდეგი 4 დღის მანძილზე, 20-23 ოქტომბერს, არაერთი ახალგაზრდა და ნიჭიერი დიზაინერის ჩვენება გაიმართა: MACH & MACH, მარიამ გვასალია, LTFR, ანი დათუკიშვილი, ETHERE ACCESOIRE, თამთა Add to dictionary, სალომე ტყაბლაძე, თამუნა ბერაძე, ლაშა ჯოხაძე, ნინი ჭელიძე, ANASTASIA, გიორგი კვეზერელი, Kate’s Cool, გიორგი ტატანაშვილი და TAMANINI.
კვირეულს ესტუმრა ცნობილი უკრაინელი დიზაინერი Lara Quint, რომელმაც თავისი ახალი კოლექცია წარმოუდგინა ქართველ მაყურებელს.
23 ოქტომბერს დეველოპერული კომპანია m2-ის პირველ პრემიალურ პროექტ „სკაილაინ რეზიდენს“-ში კვირეული დიდი წვეულებით და მოდის ინსტალაცია/წარმოდგენით დაიხურა.
დასკვნით დღე სხვადასხვა ლოკაციაზე ჩვენებებითაც იყო გამორჩეული. თორმეტი დიზაინერის კოსტიუმები ყველა მსურველს შეეძლო შეეფასებინა ახალი ტიფლისის ტერიტორიაზე, ღია ცის ქვეშ.
განახლებული აღმაშენებელი გუშინ მოდური ჩვენების ეპიცენტრად იქცა. „თბილისის მოდის კვირეულის“ ისტორიაში პირველად ჩვენებაზე ყოველგვარი მოსაწვევების გარეშე, ნებისმიერ გამვლელს შეეძლო ქართველი დიზაინერების კოლექციები პირველებს შეეფასებინათ.
თაკო ჩხეიძე („თბილისის მოდის კვირეულის“ დამფუძნებელი): „თბილისის მოდის კვირეულმა კვლავ აღმოაჩინა ახალი დიზაინერები, რომლებიც დაიპყრობენ ქართული მოდის სფეროს. ძალიან მიხარია, ჩვენი ძალიან დიდი ძალისხმევის, დიდი შრომის შედეგად ახალბედა დიზაინერების სერიოზული კოლექციები ვნახეთ“.
„თბილისის მოდის კვირეული“ მომავალ სეზონზე დაბრუნდება. ქართველი დიზაინერები ახალი ტენდენციებით შექმნილ სამოსს გაზაფხულზე შემოგვთავაზებენ.
