მოისმინე მოძრაობა და დაინახე ხმა

NEW

13 თებერვალი 15:30

მოძრაობის თეატრი არცერთ სხვა თეატრს არ ჰგავს. და ეს განსხვავება მხოლოდ დადგმებით არ გამოიხატება, რომლებშიც მსახიობები მაყურებელს ისტორიებს არავერბალურად, მხოლოდ მოძრაობით უყვებიან. ამ თეატრის ორიგინალური გარემო შესვლისთანავე თვალშისაცემია.

თეატრს უკვე წიგნების თაროებიც დაემატა. ასე რომ, სპექტაკლამდე, ან ნებისმიერ სხვა დროს შეგიძლიათ სასურველი წიგნი აიღოთ და იქვე გადაათვალიეროთ.


 


წარმოდგენები ხუთშაბათს, პარასკევს, შაბათსა და კვირას იმართება. სამშაბათს - ჯაზის, ოთხშაბათს კი ტანგოს საღამოა. ორშაბათს აქ ყველა ისვენებს. პარასკევს, სპექტაკლის შემდეგ, რეჩიტატივის საღამოა.


 


თეატრს 12 მსახიობი, ორი რეჟისორი და საკუთარი ჯაზ-ბენდი ჰყავს.


 


მოძრაობის თეატრი ამჟამად 10 სპექტაკლითაა წარმოდგენილი. „ჩვენ გამუდმებით ვცდილობთ, ჩვენი რეპერტუარი გავამდიდროთ და მაყურებელს სიახლეები შევთავაზოთ“, – ამბობს მოძრაობის თეატრის საზოგადოებასთან ურთიერთობის მენეჯერი თეკო ბაღაშვილი.


 


„მუსიკა ყველა სპექტაკლისთვის ინდივიდუალურად იწერება. ჩვენს თეატრში ყველა სპექტაკლს სანდრო ნიკოლაძე აფორმებს და აქ გაჟღერებულ მუსიკას სხვაგან ვერ მოისმენთ“.


 


ჯაზის საღამოებზე რეზო კიკნაძე და მისი ბენდი უკრავს, თუმცა საღამოს იმპროვიზაციით კონსერვატორიის სტუდენტებიც – დამწყები მუსიკოსებიც აფორმებენ.


 


ოთხშაბათი – ტანგოს დაუვიწყარი საღამო, რომელზეც ნებისმიერ მსურველს შეუძლია დასწრება, ცეკვა, ან ტანგოს სწავლა. „ძალიან სასიამოვნო საყურებელია, როდესაც ბებიები და ბაბუები მოდიან და ცეკვავენ, ცოტა სენტიმენტალურიც არის“, – მოგვითხრობს თეკო ბაღაშვილი.


 


მოძრაობის თეატრში არის ბარიც, რომელიც მოქმედებს როგორც ჯაზის, ტანგოსა და რეჩიტატივის საღამოებზე, ისე სპექტაკლის დაწყებამდე. მსუბუქი ალკოჰოლური თრობის ქვეშ განსაკუთრებით სასიამოვნო აღსაქმელია აქ გამართული წარმოდგენები...


 


არის ორი დადგმა, რომლებშიც პარალელურად გვესმის ხმა: „იგი“ და სანდრო ნიკოლაძის მუსიკალური ალეგრია „ინტრო“. „იგიში“ იოსებ ბაკურაძე პარალელურად, ცოცხალ რეჟიმში კითხულობს ამონარიდებს ჯემალ ქარჩხაძის შემოქმედებიდან, „ინტროში“ კი სანდრო ნიკოლაძისა და კახა ბაკურაძის კოლაბორაცია მოხდა, სადაც კახას დაწერილი და წაკითხული ლექსების ჩანაწერი გვესმის.


 


თეატრი ამჟამად „პატარა უფლისწულზე“ იწყებს მუშაობას, რომელიც, როგორც გვპირდებიან, ახალ მოცემულობაში საკმაოდ განსხვავებული იქნება. სპექტაკლი თანამედროვე ტექნოლოგიების ეფექტებით დაიტვირთება და ნებისმიერი ასაკის მაყურებლისთვის სასიამოვნო სანახაობა იქნება.


 


ამ ტექნოლოგიების სპექტაკლში გამოყენება არა მარტო საქართველოსთვის, არამედ მსოფლიო ბაზარზეც სიახლეა: „მცდელობა იყო აქამდე, რა თქმა უნდა, მაგრამ ჯერ არ დანერგილა, ამიტომ ეს „გაუკვალავში გავლის“ ჩვენი მცდელობა იქნება“.


 


მოძრაობის თეატრს კიდევ ერთი ახალი პროექტი აქვს - წერილები. ყველა წერილი უნიკალურია შინაარსობრივად და ის ურიგდებათ შემთხვევით შერჩეულ ადამიანებს ისე, რომ მათ არ იციან, საიდან ან ვისგან მიიღეს წერილი. ამ წერილების ერთ-ერთი ყველაზე დიდი ხიბლი ისაა, რომ თითოეული მათგანი ხელით არის დაწერილი.


 


წერილების ავტორები სპექტაკლის პერსონაჟები არიან. ისინი თავიანთ ისტორიებს მოკლედ გვიყვებიან და გვინიშნავენ პაემანს, პაემანს – მოძრაობის თეატრში.


 


წერილების რაოდენობა ჯერჯერობით 1000 ცალია, თუმცა, სამომავლოდ, შეიძლება კიდევ დაემატოს.


 


წერილი ნებისმიერ ადგილას შეიძლება მიიღოთ: ბარში, ქუჩაში, ფოსტით...



სპექტაკლის გმირები თეატრში თავიანთი ისტორიების მოსაყოლად გელოდებიან.


 


#იმოძრავეთთეატრისკენ და დარწმუნდით, რომ მოძრაობის თეატრში დადგმულ სპექტაკლებში არც ერთი სიტყვა არ არის საჭირო ემოციების მისაღებად...

საკნატუნო ამბები

ცნობილი გეები, რომლებმაც საკუთარი ორიენტაციის შესანიღბად იქორწინეს (13 ფოტო)

პოპულარობა კარგია, მაგრამ მას ერთი უარყოფით მხარე აქვს: ადამიანებს ცნობილებზე ყველაფრის გაგება სურთ.
დღის ჰოროსკოპი

22 თებერვლის ასტროლოგიური პროგნოზი

რას გვირჩევენ ვარსკვლავები 22 თებერვლისთვის ბიზნესის, ჯანმრთელობისა და სიყვარულის მიმართულებით?!
არაჟურნალისტურ ამპლუაში

გიორგი საკარული: „მეგონა, ჩემს ცხედარსაც ვეღარავინ იპოვიდა“

„მაჩვენეთ, ვინ ან სად არის პატრიოტი და გეტყვით, რა არის პატრიოტიზმი“, - არაჟურნალისტურ ამპლუაში კითხვებს პასუხობს ჟურნალისტი გიორგი საკარული.
საკნატუნო ამბები

მატარებელი ფანტომი თუ გამოუვალი მდგომარეობა?

ოდესმე გინახავთ, როგორ მიდის მატარებელი ოკეანეს ზედაპირზე, საცხოვრებელი სახლის ფანჯრებში, თვითმფრინავის ასაფრენ ბილიკზე?.. მსოფლიოში არის ადგილები, სადაც მატარებლის გავლა ჩვენი გონებისთვის წარმოუდგენელია... 
კინო

10 ფილმი, რომელიც წიგნზე უკეთესი გამოდგა

უამრავი ცნობილი ლიტერატურული ნაწარმოების ეკრანიზაცია არსებობს. სამწუხაროდ, ფილმებში ყოველთვის ვერ ხერხდება გმირების მთელი განცდების გადმოცემა. თუმცა ამას ვერ ვიტყვით ამ 10 ფილმზე - ისინი პირველწყაროზე უკეთესებიც აღმოჩნდნენ.
საკნატუნო ამბები

ეს გოგო ჩვენს წარმოსახვას თამამად ეთამაშება და გონებას გვირევს

შვეიცარიელი ფოტოგრაფი მონიკა კარვალო ცნობილია თავისი სიურრეალისტური ფოტოებით. მუშაობის პროცესში მონიკა ფოტოშოპს იყენებს და ერთ კადრში ოსტატურად ახერხებს აბსოლუტურად განსხვავებული ობიექტების შეხამებას. ეს საოცრებაა!
ამბები

,,სიცოცხლისთვის" - თეონა ნუცუბიძის დასახმარებლად ისრაელში საქველმოქმედო კონცერტი გაიმართება

14 მარტს ისრაელში, ქალაქ ხულონში, 24 წლის თეონა ნუცუბიძის დასახმარებლად ფონდი „ცხოვრება მშვენიერია" საქველმოქმედო კონცერტს გამართავს.
საკნატუნო ამბები

შეადარეთ: რით განსხვავდება თვითმფრინავებში ეკონომკლასისა და ბიზნესკლასის საკვები

პირდაპირ გეტყვით, რომ მათ შორის უზარმაზარი განსხვავებაა. როგორც აღმოჩნდა, ღარიბები მიირთმევენ ყველაფერს და დიდი რაოდენობით. მდიდრები პირიქით - ყურადღებას აქცევენ კალორიებს და ამიტომაც მათთვის განსაკუთრებულ სადილს ამზადებენ...
იცით თუ არა...

ბეღურების მასობრივ ხოცვას ბუნებამ სასტიკი შურისძიებით უპასუხა

ჩინეთის მთავრობამ მინდვრის მავნებლების წინააღმდეგ საერთო სახალხო ბრძოლა გამოაცხადა. ხელისუფლების გათვლებით, მინდვრის მავნებლები ყოველწლიურად 35 მილიონი ადამიანის სამყოფ მარცვლეულს ანადგურებდნენ, ამიტომ მათ წინააღმდეგ სწრაფი და ეფექტური ღონისძიებების გატარება იყო საჭირო.
თემატური ჰოროსკოპი

ვერძის 7 დიდებული თვისება!

არიან ვერძები თქვენს ცხოვრებაში? შეამოწმეთ, რამდენად ერგებათ ეს დახასიათება თქვენს ნაცნობ ვერძებს...
FUN-ტესტი

რომელ ჩანთას შეურჩევთ ამ ფეხსაცმელს?

უპასუხეთ მარტივ კითხვას და გაიგეთ, გაქვთ თუ არა გემოვნება...
თავსატეხი

იპოვეთ 10 განსხვავება

ადამიანი ობობას ამ ორ სურათს შორის ნამდვილად არის ათი განსხვავება. მათ მოსაძებნად, გარწმუნებთ, დიდი ძალისხმევა არ დაგჭირდებათ.