„მე მიყვარს ნიუ-იორკი და დღეს გუბერნატორის პოსტზე ჩემი კანდიდატურა წარვადგინე", - დაწერა მსახიობმა Twitter-ზე და თავისი ოჯახის შესახებ ვიდეოც ატვირთა.
სერიალის „სექსი დიდ ქალაქში“ 51 წლის ვარსკვლავი და მირანდა ჰობსის როლის შემსრულებელი თავის გუნდს უკვე აყალიბებს, რომელშიც ისეთი ექსპერტებიც შევიდნენ, როგორებიც არიან რებეკა კაცი და ბილ ჰაიერსი. ისინი ნიუ-იორკის ახლანდელი მერის ბილ დე ბლაზის შტაბში მუშაობდნენ.
სინტია ნიქსონის კონკურენტი დემოკრატიული პარტიის პრაიმერის დროს მოქმედი გუბერნატორი ენდრიუ კუომო იქნება, რომელიც ამ პოსტისთვის მესამე ვადით იბრძოლებს.
არჩევნები 2018 წლის 6 ნოემბერს ჩატარდება.
„ჩვენ გვსურს, რომ მეტი ყურადღება ექცეოდეს ჯანდაცვას, შეწყდეს მასობრივი დაპატიმრებები, მოგვარდეს მეტროპოლიტენის პრობლემები. ჩვენ დავიღალეთ იმ პოლიტიკოსებისგან, ვისაც გაზეთის სათაურები და ზალაუფლება უფრო ადარდებ ს, ვიდრე ხალხი“, - აცხადებს მსახიობი.
არჩევნებში გამარჯვების შემთხვევაში ნიქსონის იქნება ნიუ-იორკის პირველი ქალი გუბერნატორი და ამასტან პირველი ჰომოსექსუალი ამ პოსტზე.
მისი მეუღლე კრისტინ მარინონი ცოტა ხნის წინწამოვიდა ნიუ იორკის მერის ბილი დე ბლაზიოს ადმინისტრაციიდან.
როგორც ნიქსონის წარმომადგენელმა განაცხადა, მსახიობმა შტატის გუბერნატორის პოსტზე კანდიდატურის წამოყენება ქალაქის მოსახლეობის მრავალრიცხოვანი თხოვნის შემდეგ გადაწყვიტა.
ნიქსონი დემოკრატიული პარტიის სახელით გამოდის. ნიუ-იორკი კი დემოკრატების მთავარ შტატად მიიჩნევა.