- ჩცდ-ს შემოქმედებითი გუნდისგან შემოთავაზება ჩემთვის მოულოდნელი იყო. დროის დეფიციტის გამო ტელევიზორს ხშირად ვერ ვუყურებ, მაგრამ ვიცოდი, რომ ჩცდ ძალიან სახალისო სერიალია. შემოთავაზებაც მარტივად მივიღე, მით უმეტეს, აღმოჩნდა, რომ სულიკო დარდიანიძის როლს ჩემი ძმაკაცი, კახა გოგიძე ასრულებს. ერთი პერიოდი კახა ჩემთან ერთად „ალილოში“ მღეროდა. მე და „პრეზიდენტი“ რეალურ ცხოვრებაშიც ვძმაკაცობთ. ლუნას გმირის შემსრულებელ ქეთი ხუციშვილთანაც ვმეგობრობ. მათ გარდა, სერიალში ჩემი არაერთი ახლობელი თამაშობს. ასე რომ, გადაღებები შეხმატკბილებულად დავიწყეთ.
- მუშაობის პროცესზე რას გვეტყვით?
- გადაღებების პროცესი იმდენად საინტერესოა, მთელი მუღამი ისაა - რა ხდება კადრს მიღმა. ასეთი დადებითი აურისა და პროფესიონალიზმისთვის მინდა, ჩცდ-ს შემოქმედებით გუნდს დიდი მადლობა გადავუხადო.
- სულიკოს მომღერალი ძმაკაცები სულ გვერდით ეყოლება?
- ამას ვერ გეტყვით. სერიალის მთელი ხიბლი ისაა, რომ რა მოხდება, ეს წინასწარ არავინ იცის. ჩემი გასტროლები და ბიზნესსაქმიანობა თუ არ შემიშლის ხელს, ჩცდ-ში მონაწილეობა იმხელა რელაქსია, სიამოვნებით გავაგრძელებდი თამაშს. თუნდაც არ გაგრძელდეს ჩემი ხაზი, ისე მომწონს მათთან მუშაობა, კამერის მიღმაც სიამოვნებით დავრჩებოდი. არც მსახიობობაზე მაქვს პრეტენზია და, სამწუხაროდ, ვერც ჩემს ბიზნესსაქმიანობას შევეშვები.
- რეალურ ცხოვრებაში თუ იცნობთ პრეზიდენტს?
- ბატონ გიორგი მარგველაშვილს მხოლოდ ხელის ჩამორთმევით ვიცნობ.