- ეს ინფორმაცია საიდან გაქვთ, არ ვიცი, მაგრამ ასე რომ იყოს, საზოგადოება გაიგებდა, რადგან პატარა ქალაქში არაფერი იმალება. მინიმუმ, ფოტოს მაინც ავტვირთავდი სოციალურ ქსელში, რათა ხალხისთვის ჩვენი ბედნიერება გაგვეზიარებინა.
- იმასაც ამბობენ, რომ მანქანა თაყვანისმცემლისგან მიიღეთ საჩუქრად...
- ამასთან დაკავშირებით რამდენჯერმე გავაკეთე კომენტარი. 2015 წელს გამოშვებული Toyota დედამ მაჩუქა და არა თაყვანისმცემელმა.
- ამ ეტაპზე არ ხართ შეყვარებული?
- ამ ეტაპზე ჩემს პირად ცხოვრებაში განსაკუთრებული არაფერი ხდება, თუმცა რომ გითხრათ, თაყვანისმცემლები არ მყავს-მეთქი, ტყუილი გამომივა.
- მათთან როგორი დამოკიდებულება გაქვთ?
- თითოეულ მათგანს დიდ მადლობას ვუხდი. როცა ერთი ადამიანი მეორეს მიმართ ყურადღებას იჩენს და გამოხატავს იმას, რასაც გრძნობს, ძალიან დასაფასებელია. 
