გამოფენაზე წარმოდგენილია „მარიგოლდის“ მიერ საქართველოს კუთხეების მიხედვით შექმნილი ქართული გათანამედროვებული სამოსი.
მოდის სახლი „მარიგოლდი“ 2008 წელს დაარსდა. მისი ხელწერა მეტად მრავალსახოვანი და განსხვავებულია: სამოსის სინაზე, დახვეწილი აქსესუარები, ქსოვილის სიმსუბუქე, თანამედროვე სილუეტები, ძველისა და ახლის კლასიკური შერწყმა. ამდენად, სავსებით დამაჯერებელია კომპანიის სლოგანი: „ჩვენთვის ეს ხელოვნებაა“.
კომპანიის მიზანია, უცხოეთში პოპულარიზაცია გაუწიოს ქართულ სამოსს. „მარიგოლდი“ აღიარებული ქართული ბრენდია, მრავალი ჯილდოსა და ტიტულის მფლობელი, არაერთი საერთაშორისო გამოფენის მონაწილე.
გამოფენა ეძღვნება საქართველოს დამოუკიდებლობის 100 წლისთავს და 27 მაისს დაიხურება.
მისამართი: დ. აღმაშენებლის #68.
