- სერიალში სხვადასხვა პერიოდებში სხვადასხვა ხაზებია აქტუალური და ეს ჩვეულებრივი ამბავია. ბოლო პერიოდში ლუნა, პრეზიდენტი, გამომძიებელი და სხვები არიან წინა პლანზე. სიმართლე გითხრათ, გადაღებები მომენატრა კიდეც და, როგორც ვიცი, ბაქარი ჩცდ-ში ისევ გამოჩნდება.
- ასეთი პაუზის დროს მაყურებელი ხშირად ფიქრობს, რომ გმირი ეკრანზე აღარ დაბრუნდება...
- ასეთი მოსაზრება არსად მომისმენია, თუმცა მაყურებელი ხშირად მეკითხება, ბაქარი და თენგო ეკრანზე როდის გამოჩნდებიანო.
- ამ პერიოდს რას უთმობთ?
- სწავლას, ოჯახსა და მეგობრებს. ტექნიკურ უნივერსიტეტში საზოგადოებასთან ურთიერთობისა და პიარის ფაკულტეტის მეორე კურსს ვამტავრებ. მინდა, უნივერსიტეტის თვითმმართველობას და კერძოდ მიშა აბჟანდაძესა და გიორგი კულდონაშვილს დახმარებისთვის დიდი მადლობა გადავუხადო, რომლებიც გადაღებების პერიოდში, როცა გაცდენამიწევს, ძალიან მიდგანან გვერდში.