- ბოლოს ეკრანზე წამყვანის ამპლუაში გამოვჩნდი. მუსიკალური პროექტი „ჩვენ ვარსკვლავები ვართ“ მიმყავდა, თუმცა მაყურებელს „ხელოვნური სუნთქვა“ დღესაც ახსოვს. ის პერიოდი ძალიან მენატრება, რადგან ჩემი პირველი ნაბიჯები იყო და დღემდე კარგად მახსენდება. მუშაობის პროცესი და რთული გრაფიკიც კი მენატრება. ამ სერიალმა ტრამპლინზე ამიყვანა. ხალხმა გამიცნო და მეტი შემოთავაზებაც მივიღე. პროექტმაც და სერიალმაც დიდი გამოცდილება მომცა. საკუთარი თავი წამყვანის ამპლუაშიც გამოვცადე და პირდაპირ ეთერში მუშაობაც ვისწავლე.
- დღეს რა სიახლეები გაქვთ?
- ძალიან მალე სრულმეტრაჟიან ფილმზე დავიწყებთ მუშაობას, სადაც მთავარ როლს შევასრულებ. დეტალებს ვერ გაგიმხელთ, თუმცა გეტყვით, რომ რეჟისორი ხათუნა გიორგობიანია.
- აქტიური ცხოვრების რიტმი სწავლაში ხელს ხომ არ გიშლით?
- ვცდილობ, ეს არ მოხდეს. სკოლაში ძალიან კარგად ვსწავლობ, ღამით ვმეცადინეობ და ყველაფერს ვასწრებ.