- ჩემს პერსონაჟთან დაკავშირებით ჯერ არაფერი არ არის გადაწყვეტილი, თუმცა, ალბათ, გადაწყდება. მარჯანიშვილის თეატრში რეპეტიციები და გადატვირთული რეჟიმი მაქვს. ფორმულა „კრეატივიც“ საკმაოდ დატვირთულია საქმით. ორივე მხარე უნდა შევთანხმდეთ და ისე განვაგრძოთ მუშაობა.
- შეიძლება მაყურებელი იმასაც ფიქრობს, რომ სერიალი დატოვეთ...
- ჩცდ-დან არ წამოვსულვარ. მსგავსი არაფერი ხდება. უბრალოდ, ჩემს ხაზს გარკვეული პაუზა აქვს და ეს საჭიროდაც მიმაჩნია. 24 საათი ეკრანზე რომ ჩანხარ, ესეც არ არის კარგი და სწორი მიდგომა.
- თქვენი აზრით, დაბრუნდება ნუნუკა ჩცდ-ში?
- ჩემი აზრით, ნუნუკა ჩცდ-ში აუცილებლად დაბრუნდება. გადაღებების პროცესი ძალიან მომენატრა. მაყურებელსაც ხომ უნდა მოენატროს ნუნუკა?
- და, ალბათ, მაყურებელიც გეკითხებათ, დაბრუნდებით თუ არა ჩცდ-ში.
- კი, ასეა. მაყურებელი რომ აინტერესებს, დაბრუნდება თუ არა ნუნუკა ჩცდ-ში, ეს შეკითხვა ძალიან მსიამოვნებს.