- უახლოეს პერიოდში სასიამოვნო სიახლეებს ველოდები, თუმცა ამ ეტაპზე არაფრის თქმა არ მინდა. ჯერ ზაფხულიც კი არ დამიგეგმავს, რადგან უამრავი საქმე მაქვს.
- ზაფხულის ცხელ დღეებს დედაქალაქში გაატარებთ?
- თუ ზაფხულში თბილისში ვარ, მეგობრებთან ერთად აუზზე დავდივარ ან ქალაქგარეთ გავდივართ. ბათუმში თუ მივდივარ, მთელ სანაპიროს ვიპყრობ! გასულ წელს ტარაკანასავით შავი ვიყავი და წელსაც ასე მომიწევს. ყოველ წელს ტრადიციულად, მეგობართან ერთად, პანკისურ ვოიაჟებსაც ვიწყობ.
- საცურაო კოსტიუმს რა კრიტერიუმებით არჩევთ?
- ბიჭებზე ტანგა ტრუსებს ვერ ვიტან! უპირატესობას მოკლე საცურაო კოსტიუმს ვანიჭებ, სადაც საჯდომი სექსუალურად მიჩანს. მით უმეტეს, ჩემი სხეული ამის საშუალებას მაძლევს.
- საცურაო კოსტიუმს უხერხულობა არასდროს შეუქმნია თქვენთვის?
- კი, როგორ არა! ერთხელ ნინო მუმლაძესთან ერთად ბათუმში, დიდ ტალღებში მოვინდომე გაცურვა და საცურაო კოსტიუმი გამძვრა, ოღონდ ამას მაშინ მივხვდი, როცა სანაპიროზე ამოვედი.