- „X ფაქტორის“ შემდეგ ჩემი ცხოვრება ძალიან მაგრად წარიმართა. წინ დიდი გეგმები მაქვს და მინდა ჩემს ქვეყანას წარმატება მოვუტანო, ოღონდ ამჯერად უკვე შორიდან.
- მაინც, რა გეგმები გაქვთ?
- მეგობრებთან ერთად შევქმენი ჯგუფი - Not five. აგვისტოს დასაწყისში ესპანეთში მივემგზავრებით, სადაც 15 ქალაქში გამოვალთ. ქოვერების გარდა, ჩვენს საავტორო სიმღერებსაც შევასრულებთ. მზადება უკვე დაწყებული გვაქვს. დღე და ღამე ერთად ვართ, ვისვენებთ და ვმუშაობთ.
- სკოლა „X ფაქტორის“ პერიოდში დაამთავრეთ. სწავლის გაგრძელებას არ აპირებთ?
- კი, როგორ არა. ესპანეთიდან რომ დავბრუნდები, სწავლის გაგრძელებასაც ვგეგმავ, ოღონდ ამერიკაში. მინდა მუსიკალური განათლება მივიღო.
- საყვარელი საქმიანობა თქვენი შემოსავლის წყარო რამდენად არის?
- სიმღერა ჩემი შემოსავლის წყარო არანაირად არ არის, რადგან ამ ეტაპზე არსად ვმუშაობ.
- არ გიწვევენ ღონისძიებებზე, სადაც ჰონორარსაც აიღებთ?
- კი, მიწვევენ, თუმცა პროექტის დასრულების შემდეგ მუშაობა რომ დავიწყე, მაშინ მივიღე გადაწყვეტილება, რომ არსად გამოვსულიყავი.
- ანაზღაურებით იყავით უკმაყოფილო?
- არა, ეს არ ყოფილა მიზეზი. უამრავი რამის გამო მივიღე ეს გადაწყვეტილება.