- ბოლოს მუსიკალურ კონკურსში „ჩვენ ვარსკვლავები ვართ“ გამოვჩნდი. მას შემდეგ მართალია, აღარ ვჩანვარ, მაგრამ აქტიურად ვმუშაობ. ორ მხატვრულ ფილმში გადამიღეს. ერთი დიტო ცინცაძემ გადაიღო, მეორე - კოტე კალანდაძემ. ამჟამად მასშტაბური, საერთაშორისო პროექტისთვის ვემზადები, თუმცა წინასწარ ვერაფერს გეტყვით. გადაღებებისთვის 10 კილო დავიკელი. წიწკვივით ვარ!
- შეიძლება ითქვას, რომ ჩცდ თქვენთვის კინოსამყაროსკენ დიდი ნაბიჯი იყო?
- ჩცდ ჩემთვის ტრამპლინი იყო, რომელმაც ბევრი კარი გამიხსნა. მიუხედავად იმისა, რომ უკვე რამდენიმე სეზონია, აღარ ვთამაშობ, თითოეული სცენა ახლოს მიმაქვს გულთან. ისევ მშობლიური პროექტია და ამ მხრივ არაფერი შეცვლილა. როგორც მსახიობს, საკუთარი თავი ჩცდ-მ აღმომაჩენინა. ისე ვცდილობ ამ სფეროში განვითარებას, ყველაზე დიდ დროს ვუთმობ. მსახიობად რომ მიხსენიებენ, იმდენად მივეჩვიე, აღარც კი მახსოვს, რომ თეატრალური უნივერსიტეტიც არ მაქვს დამთავრებული. მხოლოდ კინოს კურსები მაქვს გავლილი საფრანგეთში.
- ზაფხული მხოლოდ გადაღებებს უნდა დაუთმოთ თუ დასვენებაც დაგეგმეთ?
- დიდი ხნით დასვენება არ მიყვარს. ამიტომ, იმედი მაქვს, რამდენიმე დღით მაინც გავძვრები ქალაქიდან. ტრადიციას არ დავარღვევ და ბუკნარში, არველაძეებს ვესტუმრები. ამისთვის წიგნებიც მოვაგროვე და ამბებიც, რაც მე, ტყუპებმა და მათმა ცოლებმა ერთმანეთში უნდა გავცვალოთ!