ზალიკო უდუმაშვილი: „შევეცდები, შეცდომები ლაივებზე გამოვასწორო!“

ნიჭიერი

22 ნოემბერი 16:30, 2016 წელი
84

ჟურნალისტმა და ამჯერად უკვე „ნიჭიერის“ ჟიურის წევრმა ზაალ უდუმაშვილმა პროექტის პირველ გადაცემას და ახალ ამპლუაში საკუთარ თავს წუხელ, პროექტის მონაწილეებთან და შემოქმედებით ჯგუფთან ერთად, Sky bar-ში უყურა, შემდეგ კი საკუთარი შთაბეჭდილება Funtime-ს გაუზიარა.

- საკუთარი თავს ჟიურის ამპლუაში ეკრანიდან როგორ შეაფასებდით?
- უკეთესადაც შეიძლებოდა!


- რა არ მოგეწონათ?
- არ გაგიმხელთ, მაგრამ შევეცდები, შეცდომები ლაივებზე გამოვასწორო! „ნიჭიერის“ ეკრანზე ყურება ბევრად სხვა ემოციას გაძლევს, ვიდრე დარბაზში და უფრო სხვა თვალით უყურებ, ვიდრე სცენაზე. ბევრი ისეთი ფოკუსირებული დეტალია, რაც შეიძლება დარბაზში გამოგეპაროს. საკუთარ თავთანაც ამიტომ მაქვს შენიშვნა, რომ შეიძლება გადაცემის ჩაწერის დროს რაღაც კიდევ გამომეპარა.