თაკო ესებუა: „სახლში პიანინოც არ მაქვს, რომ ვიმეცადინო“

ნიჭიერი

28 ნოემბერი 23:50, 2016 წელი

სულ ცოტა ხნის წინ ამ გოგომ თავისი შესრულებით დარბაზი ააფეთქა და „ოქროს ფანტელებმა“ აავსო სცენა. „ზალიკომ ოქროს ღილაკი რომ გამოიყენა, უცებ ვერ მივხვდი, რა მოხდა. სიმღერა რომ დავასრულე და დარბაზიდან ამხელა ემოცია წამოვიდა, იმ წუთებში ყველაზე ბედნიერი ადამიანი ვიყავი...“ - ამბობს 25 წლის თაკო ესებუა, „ნიჭიერის“ ერთ-ერთი გამორჩეული კონკურსანტი, რომელსაც Funtime უფრო ახლოს გაგაცნობთ.


- თაკო, სიმღერა რა ასაკში დაიწყე?
- ბავშვობიდან ვმღერი. სენაკში გავიზარდე. 18 წლის ვიყავი, როცა თბილისის სახელმწიფო კონსერვატორიაში, საოპერო ვოკალზე ჩავაბარე. თუმცა ბაკალავრიატის შემდეგ სწავლა ვეღარ გავაგრძელე. საზღვარგარეთ კონკურსებში მონაწილეობა გარკვეულ თანხებთანაა დაკავშირებული, ჩვენს ქვეყანაში რომელიმე პროექტში მონაწილეობა კი არ მინდოდა.


- რატომ?
- კარგ შედეგებს არ ველოდი. ვფიქრობდი, რომ ქუჩიდან თუ მივიდოდი რომელიმე კონკურსში, ეს კარგ შედეგს არ მოიტანდა. „ნიჭიერზე“ კი ძალიან ბევრი ვიფიქრე. ბოლოს მეგობრებმა მთხოვეს, იქნებ სცადოო. ერთ მშვენიერ დღესაც მივხვდი, რომ უკან აღარ უნდა დამეხია. კარმენის არიის შესრულებამ წარმატება კი მომიტანა, მაგრამ, ფაქტობრივად, ამ ნაწარმოებზე არც მიმუშავია. სახლში პიანინოც კი არ მაქვს, რომ მემეცადინა. ყურსასმენებით ვუსმენდი სიმღერას და მხოლოდ ეს იყო პროექტისთვის ჩემი მომზადება.


- სცენაზე გასვლამდე რა მოლოდინი გქონდა?
- მომდევნო ტურში გადასვლის მოლოდინი ნამდვილად მქონდა, მაგრამ ოქროს ღილაკს მართლა არ ველოდი. ჟიურის ყველა წევრისგან ველოდი კრიტიკას, რადგან, ალბათ, ცოტა თავდაჯერებულობა მაკლია. სიმღერა რომ დავასრულე და დარბაზიდან და ჟიურისგან ამხელა ემოცია წამოვიდა, იმ წუთევში ყველაზე ბედნიერი ადამიანი ვიყავი. ზალიკომ ოქროს ღილაკი რომ გამოიყენა, უცებ ვერ მივხვდი, რა მოხდა. ემოციების გამოხატვა არ მჩვევია, მაგრამ რაღაც დეტალები ახლაც არ მახსოვს. 


- ნახევარფინალში ხარ. ალბათ, გამარჯვების იმედიც გაქვს...
- როცა სცენაზე ვდგავარ, თავიდან ვიბადები, მგონია, რომ ყველაფერს შევძლებ და „ჟილკა“ ყოველთვის მაქვს. გამარჯვება ჩემზეა დამოკიდებული და ამისთვის ყველაფერს გავაკეთებ, თუმცა არც ამის ამბიცია მაქვს. მთავარია, ხალხის სიყვარული დავიმსახურო და შემამჩნიონ.


- როგორც საუბრის დასაწყისში აღნიშნე, კონსერვატორიის დასრულების შემდეგ სწავლა აღარ გაგიგრძელებია. ამჟამად რას აკეთებ?
- კონსერვატორიის მხოლოდ დიპლომი მაქვს, რადგან სოლო კარიერის გაგრძელებას ვერ ვახერხებ. 4 წელია, აფხაზეთის სახელმწიფო კაპელაში ვმღერი. გასტროლზე ხშირად გვიწევს გასვლა. ორი კვირაა, რაც ბრიუსელიდან დავბრუნდით. მიხარია, აქტიურად რომ ვარ დაკავებული ჩემს სფეროში. რომ არ ვიმღერო, ალბათ, მოვკვდები. სოლო კარიერის გაგრძელება მინდა. ეს იქნება ჩემი ყველაზე დიდი ბედნიერება. როცა სცენაზე მარტო ვდგავარ, მუსიკას სხვანაირად ვგრძნობ.


- რა ხდება შენი მუსიკალური სამყაროს მიღმა?
- 9 წლის შვილი მყავს. საბა ჩემი ცხოვრების ნათელი წერტილია. სამწუხაროდ, მასთან ერთად ცხოვრებას ვერ ვახერხებ. თბილისში არანაირი პირობა არ მაქვს იმისთვის, რომ შვილი გვერდით მყავდეს. ქმარს 5-წლიანი თანაცხოვრების შემდეგ გავშორდი, ჩემი შემოსავალი კი საბას აღზრდისთვის საკმარისი არ არის, რადგან ხელფასი მხოლოდ ქირისა და არსებობისთვის მყოფნის. საბა 4 წლიდან დედაჩემთან, სენაკში იზრდება. როგორც ვახერხებ, ვცდილობ, მის გვერდით ვიყო, მაგრამ ჩემს შვილს დედის სითბო აკლია. 


- თბილისში ვისთან ერთად ცხოვრობ?
- თბილისში წლებია, მარტო ვცხოვრობ და ყველაფერს გავაკეთებ იმისთვის, რომ შვილი გვერდით მყავდეს.


- მეუღლესთან დაშორების მიზეზი შენი მუსიკალური კარიერა ხომ არ იყო?
- როცა ქალი თავის საქმითაა დაკავებული, ოჯახში ეგოიზმი ჩნდება. კონფლიქტი ხშირად გვქონდა. ჩემი სცენაზე დგომა მეუღლისთვის სასურველი არ იყო, თუმცა ოჯახის დანგრევის მიზეზი მხოლოდ ჩემი მუსიკალური კარიერა არ ყოფილა. 16 წლის ვიყავი, როცა მოტყუებით წამიყვანა. იცოდა, როგორ მიყვარდა სიმღერა. თავიდან ყველაფერზე თანახმა იყო, თუმცა მერე, რომ დაფიქრდა, ცოლის სცენაზე დანახვა არ სიამოვნებდა...


- დღეს როგორი ურთიერთობა გაქვს ყოფილ მეუღლესთან?
- იშვიათად ვხდები, მაშინ როცა შვილი მასთან მიმყავს. ჩემს ყოფილ ქმარს უკვე სხვა ოჯახი ჰყავს.

დღის ჰოროსკოპი

24 იანვრის ასტროლოგიური პროგნოზი

რას გვირჩევენ ვარსკვლავები 24 იანვრისთვის ბიზნესის, ჯანმრთელობისა და სიყვარულის მიმართულებით?!
საკნატუნო ამბები

რატომ არ თვრებიან დაზვერვის აგენტები? - სპეცსამსახურების დიდი საიდუმლო, რომელზეც ლეგენდები დადის

სპეცსამსახურის თანამშრომლისთვის ჩვეული ვითარებაა, როცა სუფრასთან სასმელის დალევა უწევს და ამასთანავე, რა თქმა უნდა, ფხიზლად უნდა დარჩეს. თურმე, არსებობს რამდენიმე ხერხი, რომლებიც, როგორც ამბობენ, სპეცსამსახურების გატესტილი და შემუშავებულია.
საკნატუნო ამბები

ჩვენი პლანეტა ფოტოშოპის გარეშეც მშვენიერია

ინტერნეტში მილიონობით ფოტოს აღმოაჩენთ, რომელიც საგულდაგულოდ დამუშავებული და გაუმჯობესებულია, მაგრამ გარწმუნებთ, დედამიწის პეიზაჟები ყოველგვარი დამუშავების გარეშეც ულამაზესია...
საკნატუნო ამბები

რატომ უნდა გავაღოთ ავტომობილის კარი მარჯვენა ხელით?

მოძრაობის წესების საგამოცდო ბილეთებსა და სახელმძღვანელოებში ყველა ნიუანსი აღწერილი არ არის და მათ საჭიროებას პრაქტიკა გვკარნახობს. მძღოლებო და მგზავრებო, თქვენ იცით, რატომ უნდა გავაღოთ ავტომობილის კარი მარჯვენა ხელით?
იცით თუ არა...

უცნაური ამბავი, როგორ იქცა ღარიბი სოფლის ყველა მცხოვრები ერთ დღეში მილიონერად

ერთ ღარიბ ესპანურ სოფელში მცხოვრები ფერნანდესების მრავალშვილიან ოჯახში ბიჭი დაიბადა, სახელად ანტონიო. მშობლებს იმდენად უჭირდათ, რომ ბიჭუნამ სკოლის დამთავრება ვერ შეძლო, თუმცა ყოველთვის სჯეროდა, რომ წარმატებას მიაღწევდა...
თემატური ჰოროსკოპი

რომელია თქვენი ზოდიაქოს თილისმა-მცენარე?

როცა თილისმებზეა საუბარი, ყველა რატომღაც ქვებზე იწყებს ფიქრს, მაგრამ დაცვა მცენარესაც შეუძლია - ზოგი მათგანი ადამიანის გვერდით ყვავის და სურნელს აფრქვევს, ზოგიც ხმება. ჩვენ გიკარნახებთ თქვენი მფარველი მცენარეების სახელებს.
FUN-ტესტი

აირჩიეთ სამკაული და გაიგეთ, რა არის თქვენი ქალური ძალა

იცით, რომ საყვარელ სამკაულს თქვენი პიროვნების შესახებ ბევრი რამეს მოყოლა შეუძლია? 
თავსატეხი

რაც უფრო სწრაფად იპოვით ღია ბოქლომს, მით მაღალია თქვენი IQ

გთავაზობთ ამოცანას ყურადღების სიმარჯვეზე! თანაც - მხედველობასაც გაივარჯიშებთ. კარგად დააკვირდით ნახატს და შეეცადეთ, ღია ბოქლომი აღმოაჩინოთ.
საკნატუნო ამბები

როგორ შევუხამოთ სამოსი დაბალყელიან ჩექმას? (10 ფოტო)

უკვე მერამდენე წელია, დაბალყელიანი ჩექმები საკმაოდ მოდურია და აქტუალობას არ კარგავს, თუმცა მისი შეხამება ტანსაცმელთან არცთუ ისე მარტივია.
საკნატუნო ამბები

ქალის სურნელი, ვნება, სიყვარული ერთ კადრში (15 ფოტო)

ფოტოგრაფ ალისა ვერნერის ნამუშევრები ქალის სილამაზით არის შთაგონებული, მისი საყვარელი ჟანრი კი ეროტიკაა...
საკნატუნო ამბები

23 იანვრის ასტროლოგიური პროგნოზი

რას გვირჩევენ ვარსკვლავები 23 იანვრისთვის ბიზნესის, ჯანმრთელობისა და სიყვარულის მიმართულებით?!
ზეპირი ანკეტა

შოთა იათაშვილი: „ხალისი სულ მაქვს, მაგრამ სევდაც სულ თან დამყვება“

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი, შეხედულებებისა, პროფესიისა, ნიჭისა თუ... დღევანდელი სტუმარია პოეტი შოთა იათაშვილი.