29 ივნისის ასტროლოგიური პროგნოზი

  • 28 ივნისი 22:02, 2020 წელი

რას გვირჩევენ ვარსკვლავები 29 ივნისისთვის ჯანმრთელობის, ბიზნესისა და სიყვარულის მიმართულებით?!

ვერძი

კვირის დასაწყისში შესაძლოა, ენერგიის ნაკლებობა იგრძნოთ, რის გამოც გაღიზიანებული იქნებით. კონცენტრირდით პოზიტიურ აზრებზე და გარშემომყოფებთან მეგობრული ურთიერთობები დაამყარეთ. თუკი წარმატების მიღწევა გსურთ, აირჩიეთ ღირსეული მოკავშირეები. კოლექტივში მუშაობით შეძლებთ პროფესიული მწვერვალების დაპყრობას.

კურო

საინტერესო კვირა გელით როგორც პირად ცხოვრებაში, ისე საზოგადოებრივ საქმიანობაში. შესაძლოა, ახალი წინადადება შემოგთავაზონ, რაც დაგაინტერესებთ. ყველაზე მთავარი დამხმარე თქვენთვის საკუთარი სიფრთხილე და ინტუიცია აღმოჩნდება. ამ ორი თვისების დახმარებით იმ საქმეების დასრულებასაც მოასწრებთ, რომლებზეც დიდი ხნის წინათ ჩაიქნიეთ ხელი.

ტყუპები

ნუ გაფლანგავთ ფსიქიკურ ენერგიას არასაჭირო საქმეებზე. ყურადღება მოიკრიბეთ მნიშვნელოვან საკითხებზე, რომლებიც რაც შეიძლება მალე უნდა გადაწყვიტოთ. ვარსკვლავები გირჩევენ, დამოუკიდებლად იმოქმედოთ, ვინმეს დახმარებისა და ზედმეტი კონტროლის გარეშე. 

კირჩხიბი

თქვენ გარშემო ბევრი მოვლენა საინტერესოდ დალაგდება, იქნება სასიხარულო ემოციები, წყენებიც, მაგრამ საერთო ჯამში კარგი კვირა გელით. მართალია, წარმატების ხათრით მოგიწევთ ცოტა ნერვიულობა, თუმცა, მალევე მიხვდებით, რომ შედეგი ნერვიულობად ღირდა და ხასიათი ბევრად გაგიუმჯობესდებათ.

ლომი

ნუ ჩაერევით გარშემომყოფთა საქმეებში, ყველა თავის ბედს თავად ჭედავს. თქვენი ყურადღება საკუთარ საქმეებსა და გეგმებზე უნდა გადაიტანოთ. შესაძლოა, თქვენი დამატებითი შესაძლებლობებით და გონიერებით თანამშრომლები გააკვირვოთ.

ქალწული

დასახული მიზნები ნელ-ნელა ხორციელდება. სამსახურებრივ საქმეებში ბევრი რუტინაა. არ გამოირიცხება, დაიღალოთ, რის საფუძველზეც ქრონიკული დაავადებები შეგახსენებთ თავს. თუკი გსურთ, რამდენიმე პრობლემა ერთდროულად მოაგვაროთ, ზომიერად გადაანაწილეთ დრო და ძალები.

სასწორი

ახლა კარგი დროა, რათა დასვენების დღეები მოიწყოთ მეგობრებთან და საყვარელ ადამიანებთან ერთად. ასეთი განტვირთვა დაგეხმარებათ ძალების აღდგენასა და წარმატების მიღწევაში. იქნებ ახალი საქმის დაწყებაზეც იფიქროთ.

მორიელი

კარგი დროა ფინანსური ოპერაციების განსახორციელებლად, თუმცა იყავით ყურადღებით და მხოლოდ სიამოვნებაზე ნუ გაფლანგავთ დღეებს, ახლა ამის დრო არ არის. დაგეგმეთ თქვენი ნაბიჯები. სხვა მხრივ, თქვენი ენერგია მატულობს.

მშვილდოსანი

ეს დღე წარმატებულია ადრე დაწყებული საქმეებისა და ჩანაფიქრების განსახორციელებლად. უმჯობესია, დასვენებასა და სამედიცინო პროფილაქტიკას დრო დაუთმოთ. კარგი იქნება, თუ კვების რაციონს მიაქცევთ ყურადღებას.

თხის რქა

იყავით დაკვირვებულები, ასჯერ გაზომეთ, ერთხელ გაჭერით. ოპტიმისტური განწყობა ძალიან დაგეხმარებათ ცხოვრების ყველა ასპარეზზე. მზად იყავით კარიერული წინსვლისთვის. თქვენს წარმატებაში პარტნიორები და თანამოაზრეები დიდ წვლილს შეიტანენ.

მერწყული

ვარსკვლავები გირჩევენ, განსაკუთრებული ყურადღება მიაქციოთ ფულის დაბანდებას. საკუთარი ინტერესების დასაცავად სასურველია, რიგი ზომები მიიღოთ. მოულოდნელი გეგმები თქვენს მატერიალურ მდგომარეობას გააუმჯობესებს. 

თევზები

ფსიქოლოგიურად სტაბილური დღე გელოდებათ. შეგიძლიათ, ნებისმიერი თქვენი გეგმა წარმატებით განახორციელოთ, ვარსკვლავები თქვენს მხარეს არიან. განეწყვეთ ოპტიმისტურად და პოზიტიურად.