ნათია შალამბერიძე - ელეგანტური ბიზნესის PR-მენეჯერი

PR კლუბი

7 მარტი 16:00, 2016 წელი
99

დღეს PR კლუბის სტუმარია ავეჯის სახლ „ლაქშერის“ საზოგადოებასთან ურთიერთობის მენეჯერი ნათია შალამბერიძე, რომლისთვისაც სამსახური მეორე სახლია.

პრაქტიკას პლუს თეორია
საქართველოს ტექნიკურ უნივერსიტეტში საერთაშორისო ურთიერთობის ფაკულტეტზე ვსწავლობ.
უკვე ორი წელია, რაც ავეჯის სახლ „ლაქშერში“ ვმუშაობ. ძალიან მომწონს მარკეტინგისა და პიარის სფერო, მაგისტრატურაზე ამ სპეციალობით ვაპირებ სწავლას. როგორც ყველა საქმეში, აქაც არის სირთულე, რასაც ყოველთვის ვართმევთ თავს, რადგან ჩვენ ერთიანი, ძლიერი გუნდი ვართ. აქ თავს ყოველთვის ისე ვგრძნობ, როგორც საკუთარ სახლში. ამ სამსახურმა ძალიან დიდი გამოცდილება მომცა. გავიცანი ბევრი საინტერესო ადამიანი, თითქმის ყოველდღე ახალ კომპანიებთან ვთანამშრომლობთ.

დიდი ოჯახური ბიზნესი
ავეჯის სახლი „ლაქშერი“ საოჯახო ბიზნესია და, დაარსების დღიდან მთელი ოჯახი ჩართული ვართ ამ საქმეში. ჩემი სურვილითა და მშობლების ხელშეწყობით, გავიარე 4-თვიანი სტაჟირება და მოვხვდი ამ პოზიციაზე. რაც შეეხება ჩემს ფუნქციებს, ვმართავ ფეისბუკგვერდს, ვთანამშრომლობ წამყვან ქართულ მედიასაშუალებებთან.

„ლაქშერი“ სამი სიტყვით
ავეჯის სახლ „ლაქშერს“ სამი სიტყვით ასე დავახასიათებდი: დახვეწილი, თანამედროვე და ელეგანტური. „ლაქშერის“ დაარსებამდე ჩვენ შევისწავლეთ ქართველი მომხმარებლის გემოვნება, სტილი და დავიწყეთ ექსკლუზიური თანამშრომლობა იტალიურ ბრენდ VANESSA -თან. ასევე,  უკრაინულ ბრენდ NEOLUX-თან, რომლის ორთოპედიულ მატრასებზე ყოველთვის დიდი მოთხოვნაა. ქართულ ბაზარზე საოფისე ავეჯის დამზადებისა და რეალიზაციის მხრივ „ლაქშერი“ ლიდერი კომპანიაა.
2016 წლიდან კი მომხმარებელს განათების, გარე ავეჯისა და აქსესუარების ფართო არჩევანიც შევთავაზეთ.