„თუკი რაიმე იდეა გაქვთ, ჩვენთან შეგიძლიათ, უფასოდ განახორციელოთ“ - PR მენეჯერი მომავლიდან

PR კლუბი

21 მარტი 16:00, 2016 წელი

დღეს PR კლუბის სტუმარია ტექნოლოგიური განვითარების ფონდის საზოგადოებასთან ურთიერთობის სამსახურის უფროსი მარიამ მექვაბიშვილი - PR ბევრი დიპლომითა და უამრავი კრეატიული იდეით.


გოგონა მრავალფეროვანი პროფესიით
ჩემი პროფესია მრავალფეროვანია - ბაკალავრისა და მაგისტრის დიპლომი მაქვს ბიზნესის ადმინისტრირებაში, ბანკშიც საკმაო ხანს ვმუშაობდი, თუმცა შინაგანად არ ვარ ის ადამიანი, რომელსაც სტანდარტული რამეები უყვარს. ამიტომ დიდხანს ვერც საფინანსო სფეროში გავძელი და მედიამენეჯმენტის მიმართულებით გავაგრძელე სწავლა, მაგისტრის ხარისხიც ავიღე. ვმუშაობდი ჟურნალისტად, შემდეგ საზოგადოებასთან ურთიერთობის სფეროშიც ვცადე ძალები და ამჟამად ტექნოლოგიური განვითარების ფონდის საზოგადოებასთან ურთიერთობის სამსახურის უფროსი ვარ. ძალიან მიყვარს ჩემი საქმე - ყოველდღიურად უამრავ ადამიანთან მიწევს კონტაქტი და ძალიან საინტერესო პროექტებზე ვმუშაობ.


ყველაფერი ერთი შემთხვევით დაიწყო
როდესაც „თსუ“-ში ვსწავლობდი, ჩემმა ლექტორმა მითხრა, რომ უნივერსიტეტში ჰქონდათ პიარმენეჯერის მოადგილის ვაკანსია და თუ სურვილი მექნებოდა, გამოსაცდელი ვადით ამიყვანდნენ. ყველაფერი სწორედ აქედან დაიწყო (იღიმის). უნივერსიტეტის ეკონომიკური ფაკულტეტის პიარი, დაახლოებით, ერთი წელი ვიყავი. მივხვდი, რომ ეს სწორედ ის საქმეა, რომლის კეთებაც მსიამოვნებდა. ამ სამსახურში თავი კომფორტულად ვიგრძენი. შემდეგ ცოდნის გაღრმავების მიზნით ნახევარი წელი გაუს პიარსკოლაშიც ვიარე და შემდეგ ილიას სახელმწიფო უნივერსიტეტში კულტურისა და ხელოვნების მენეჯმენტზე ჩავაბარე, სადაც მედიამენეჯმენტის ხარისხი ავიღე. სახლში ძალიან ბევრი დიპლომი მაქვს. მომავალში დოქტორანტურაში ვაპირებ სწავლის გაგრძელებას.


ორიგინალური იდეები
აქამდე რაც სამსახური მქონია, ეს მათ შორის პიკია, საუკეთესოა. დღეს აქ ტექნოლოგიური განვითარების ფონდის საზოგადოებასთან ურთიერთობის სამსახურის უფროსი ვარ. ერთი წლის განმავლობაში უამრავი კარგი პროექტი გავაკეთეთ და დიდი გამოხმაურებებიც მოჰყვა. მაგალითად, ერთ-ერთი იყო სუპერ თასისთვის „დინამოს“ სტადიონის რეაბილიტაციის პროექტი. ზაფხულის ევროპული ოლიმპიადის ინფრასტრუქტურული მხარეც ჩვენ მოვაწყვეთ. აღსანიშნავია, რომ მხოლოდ პიარმენეჯერი არ ვარ და თუკი რაიმე კარგი იდეა გამიჩნდება, აქ საშუალება მაქვს, ყველაფერს ფრთები შევასხა (იღიმის). აი, მაგალითად, მეტროებში QR ბიბლიოთეკების პროექტიც ჩემი მოფიქრებულია. მეტროსადგურებში „სადგურის მოედანსა“ და „რუსთაველში“ მგზავრებს შეუძლიათ, ელექტრონული ბიბლიოთეკის ბანერებიდან სპეციალური QR კოდების გამოყენებით უფასოდ ჩამოტვირთონ სასურველი წიგნის ელექტრონული ვარიანტი. მომავალში QR ბიბლიოთეკის განთავსებას საზოგადოებრივი თავშეყრის სხვადასხვა ადგილებშიც ვგეგმავთ, მათ შორის, სწრაფი კვების ობიექტებშიც. ყოველივე ეს კი წიგნების სახლის „საბას“ მხარდაჭერით განვახორციელეთ, რაც საზოგადოებამ კარგად აიტაცა. მსგავსი პროექტი იტალიაში ყოფნისას ერთ-ერთ სუპერმარკეტში ვნახე - იქ კედლებზე გაკრული პლაკატებიდან მობილურის საშუალებით შეგვეძლო ჩამოგვეტვირთა პროგრამა, სადაც ფასებზე სრული ინფორმაცია იყო მოცემული. დამეთანხმებით, ძალიან მოსახერხებელი და მარტივია. მით უმეტეს, მაშინ, როდესაც ტექნოლოგიური განვითარების ეპოქაში ვართ და ყველაფერი მობილურში გვაქვს. მეც დავფიქრდი და ეს იდეაც სწორედ აქედან დამებადა.


მთავარი კრეატივია
თუკი რაიმე იდეა გაქვთ, ჩვენთან უფასოდ შეგიძლიათ, განახორციელოთ. ჩვენ ყველაფერს არაკომერციულად ვაკეთებთ, რადგან მერიის სსიპი ვართ და, შესაბამისად, ორიენტირებულები იმაზე, რომ მოსახლეობამ ჩვენი მეშვეობით სარგებელი მიიღოს.


გუნდურობა
ხშირად ახალ პროექტებზე ღამეებიც გვითენებია და შრომაც დაგვფასებია. ჩემთვის აქ მუშაობა იმდენად საინტერესოა, რომ დაღლას ვეღარც ვგრძნობ. ასეთ კარგ ხელმძღვანელთან და გუნდთან ერთად, სხვანაირად არც შეიძლება. თუ ადამიანებთან მუშაობისას თავს კომფორტულად ვერ ვგრძნობ, იქ ვერ გავჩერდები, ჩემთვის ურთიერთობებია მნიშვნელოვანი. ჩემს გუნდს კიდევ ძალიან ბევრი პროექტის იდეა აქვს, რომლებსაც ნელ-ნელა ერთობლივად განვახორციელებთ. სულ ახლახან დავიწყეთ ახალი „სოციალური ჰაბის“ პროექტი - მოსახლეობას საშუალება ექნება, სურვილის შემთხვევაში, ტანსაცმელი და ყველანაირი საჭირო პროდუქტი კონკრეტულ პუნქტებში მიიტანოს, რის შემდეგაც დავახარისხებთ, მერია თავის ხარჯებს დაამატებს და სოციალურად დაუცველ ადამიანებს გადავცემთ.

დღის ჰოროსკოპი

24 იანვრის ასტროლოგიური პროგნოზი

რას გვირჩევენ ვარსკვლავები 24 იანვრისთვის ბიზნესის, ჯანმრთელობისა და სიყვარულის მიმართულებით?!
საკნატუნო ამბები

რატომ არ თვრებიან დაზვერვის აგენტები? - სპეცსამსახურების დიდი საიდუმლო, რომელზეც ლეგენდები დადის

სპეცსამსახურის თანამშრომლისთვის ჩვეული ვითარებაა, როცა სუფრასთან სასმელის დალევა უწევს და ამასთანავე, რა თქმა უნდა, ფხიზლად უნდა დარჩეს. თურმე, არსებობს რამდენიმე ხერხი, რომლებიც, როგორც ამბობენ, სპეცსამსახურების გატესტილი და შემუშავებულია.
საკნატუნო ამბები

ჩვენი პლანეტა ფოტოშოპის გარეშეც მშვენიერია

ინტერნეტში მილიონობით ფოტოს აღმოაჩენთ, რომელიც საგულდაგულოდ დამუშავებული და გაუმჯობესებულია, მაგრამ გარწმუნებთ, დედამიწის პეიზაჟები ყოველგვარი დამუშავების გარეშეც ულამაზესია...
საკნატუნო ამბები

რატომ უნდა გავაღოთ ავტომობილის კარი მარჯვენა ხელით?

მოძრაობის წესების საგამოცდო ბილეთებსა და სახელმძღვანელოებში ყველა ნიუანსი აღწერილი არ არის და მათ საჭიროებას პრაქტიკა გვკარნახობს. მძღოლებო და მგზავრებო, თქვენ იცით, რატომ უნდა გავაღოთ ავტომობილის კარი მარჯვენა ხელით?
იცით თუ არა...

უცნაური ამბავი, როგორ იქცა ღარიბი სოფლის ყველა მცხოვრები ერთ დღეში მილიონერად

ერთ ღარიბ ესპანურ სოფელში მცხოვრები ფერნანდესების მრავალშვილიან ოჯახში ბიჭი დაიბადა, სახელად ანტონიო. მშობლებს იმდენად უჭირდათ, რომ ბიჭუნამ სკოლის დამთავრება ვერ შეძლო, თუმცა ყოველთვის სჯეროდა, რომ წარმატებას მიაღწევდა...
თემატური ჰოროსკოპი

რომელია თქვენი ზოდიაქოს თილისმა-მცენარე?

როცა თილისმებზეა საუბარი, ყველა რატომღაც ქვებზე იწყებს ფიქრს, მაგრამ დაცვა მცენარესაც შეუძლია - ზოგი მათგანი ადამიანის გვერდით ყვავის და სურნელს აფრქვევს, ზოგიც ხმება. ჩვენ გიკარნახებთ თქვენი მფარველი მცენარეების სახელებს.
FUN-ტესტი

აირჩიეთ სამკაული და გაიგეთ, რა არის თქვენი ქალური ძალა

იცით, რომ საყვარელ სამკაულს თქვენი პიროვნების შესახებ ბევრი რამეს მოყოლა შეუძლია? 
თავსატეხი

რაც უფრო სწრაფად იპოვით ღია ბოქლომს, მით მაღალია თქვენი IQ

გთავაზობთ ამოცანას ყურადღების სიმარჯვეზე! თანაც - მხედველობასაც გაივარჯიშებთ. კარგად დააკვირდით ნახატს და შეეცადეთ, ღია ბოქლომი აღმოაჩინოთ.
საკნატუნო ამბები

როგორ შევუხამოთ სამოსი დაბალყელიან ჩექმას? (10 ფოტო)

უკვე მერამდენე წელია, დაბალყელიანი ჩექმები საკმაოდ მოდურია და აქტუალობას არ კარგავს, თუმცა მისი შეხამება ტანსაცმელთან არცთუ ისე მარტივია.
საკნატუნო ამბები

ქალის სურნელი, ვნება, სიყვარული ერთ კადრში (15 ფოტო)

ფოტოგრაფ ალისა ვერნერის ნამუშევრები ქალის სილამაზით არის შთაგონებული, მისი საყვარელი ჟანრი კი ეროტიკაა...
საკნატუნო ამბები

23 იანვრის ასტროლოგიური პროგნოზი

რას გვირჩევენ ვარსკვლავები 23 იანვრისთვის ბიზნესის, ჯანმრთელობისა და სიყვარულის მიმართულებით?!
ზეპირი ანკეტა

შოთა იათაშვილი: „ხალისი სულ მაქვს, მაგრამ სევდაც სულ თან დამყვება“

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი, შეხედულებებისა, პროფესიისა, ნიჭისა თუ... დღევანდელი სტუმარია პოეტი შოთა იათაშვილი.