დღის დედოფალია 22 წლის ანა ჩოკოშვილი, თავისუფალი უნივერსიტეტის მართვისა და საზოგადოებრივ მეცნიერებათა სკოლის კურსდამთავრებული.
სიძე - 21 წლის ლევან ჯაფარიძე, GIPA-ს სამართლის მიმართულების სტუდენტი.
ერთმანეთი ბაკურიანში გაიცნეს. ლევანი სპორტსმენი იყო და შეკრებაზე, ანას ძმასთან ერთად, ბაკურიანში იყო ჩასული. იმ წელს ანაც ბაკურიანში ისვენებდა, თუმცა მათი, როგორც წყვილის ურთიერთობა დიდი ხნის შემდეგ დაიწყო.
ბაკურიანში მხოლოდ ერთხელ ნახეს ერთმანეთი და ამ შეხვედრას მათი დამეგობრება არ მოჰყოლია. თუმცა, როგორც ლევანი ამბობს, ანა იმ დღესვე შეუყვარდა, ერთი ნახვით.
ანას კი წლები დასჭირდა იმის მისახვედრად, რომ ლევანი ნამდვილად „მისი ადამიანი“ იყო.
ერთმანეთს ინტერნეტით ან ტელეფონით ეკონტაქტებოდნენ, მათი შეხვედრა კი საერთო მეგობრის დაბადების დღეზე შედგა და ეს დღე მათ ურთიერთობაში გადამწყვეტი აღმოჩნდა.
ოჯახის შექმნამდე 5 წელი გავიდა. დაოჯახების გადაწყვეტილებაც ურთიერთობამ ბუნებრივად მოიტანა.
P.S. თუ გსურთ, თქვენი ქორწილის ფოტოები FunTime-ზე გამოქვეყნდეს, დაგვირეკეთ: 595 01 82 40 ან მოგვწერეთ: Tinatin Gogishvili
