დღის დედოფალია 22 წლის თეო ღვალაძე.
სიძე - 23 წლის ბექა ჟვანია.
ორივემ თბილისის ივანე ჯავახიშვილის სახელობის უნივერსიტეტი დაამთავრა. თეომ - ბიზნესის ადმინისტრირების ფაკულტეტი, ბექამ კი - საზოგადოებრივი გეოგრაფია და პოლიტიკური მეცნიერებების მიმართულება.
ერთმანეთი საერთო მეგობრისგან გაიცნეს და ისე დაემთხვა, რომ რამდენიმე კვირის განმავლობაში მეგობრების გარემოცვაში ხშირად ხვდებოდნენ ერთმანეთს. თეოს ამისთვის ყურადღება არ მიუქცევია და ეს ხშირი შეხვედრები შემთხვევითობად მიაჩნდა, თუმცა ბექას ყველაფერი წინასწარ ჰქონია დაგეგმილი...
რამდენიმე თვეში, ოქტომბრის თბილ, მზიან დღეს ბექამ თეოს თავისი გრძნობები გაუმხილა.
ამ დღის შემდეგ ყველაფერი თავისით აეწყო.
გავიდა დრო და თეოც მიხვდა, რომ ბექა უყვარდა.
თეოსთვის ბექა პირველი სიყვარული იყო.
თეოც პირველი სიყვარული აღმოჩნდა ბექასთვის.
შეყვარებულების ამპლუაში ერთად 4 წელი გაატარეს.
ერთად ყოფნის პირველი ორი წელი ყველაზე ემოციური იყო. ერთმანეთის გარეშე არსად დადიოდნენ.
მომდევნო ორი წელი ძალიან სწრაფად გავიდა, თითქოს გაიზარდნენ.
ამ პერიოდში მიხვდნენ, რომ ერთად ყოფნაზე უნდა ეფიქრათ და საკმაოდ გააზრებულად გადადგეს ნაბიჯი. თუმცა ქორწილი მაინც მალე დაგეგმეს და მოსამზადებლად დიდი დრო არ დაუტოვებიათ.
P.S. თუ გსურთ, თქვენი ქორწილის ფოტოები FunTime-ზე გამოქვეყნდეს, დაგვირეკეთ: 595 01 82 40 ან მოგვწერეთ: Tinatin Gogishvili