ნამდვილი ქართული „საპნის ოპერა“

დღის დედოფალია 26 წლის ნათია ქობალავა, ექიმი.
სიძე - 26 წლის შოთა ხორავა, პროფესიით იურისტი და რეჟისორი.

ნათიასა და შოთიკოს მშობლები ჯერ კიდევ მათ დაბადებამდე მეგობრობდნენ და ისინიც ერთმანეთს ბავშვობიდან იცნობენ.
მოსკოვში ცხოვრობდნენ.
იქ დაიბადნენ და გაიზარდნენ. პატარაობისას სულ ერთად იყვნენ, ერთად თამაშობდნენ და ერთად ცელქობდნენ, მაგრამ, როცა ნათიას 10 წელი შეუსრულდა, მშობლებმა საქართველოში სასწავლებლად გამოუშვეს. 
მას შემდეგ 6-7 წელი არ უნახავთ ერთმანეთი და კონტაქტიც არ ჰქონიათ.

ერთხელაც, ნათია საკუთარ დაბადების დღეზე მოსკოვში აღმოჩნდა და შოთიკო მათთან სტუმრად მივიდა. კარი ნათიამ გაუღო. შოთიკო თაიგულით ხელში მორცხვად იდგა და იღიმოდა.
თავიდან ვერც კი იცნო გოგომ გაზრდილი და დავაჟკაცებული ბიჭი.
იმ დღეს პირველად გაიელვა გრძნობამ გულში.
შოთიკომ მაშინვე დაიწყო ნათიას გულის მოსაპოვებლად ბრძოლა და მიუხედავად იმისა, რომ არც ნათია იყო მის მიმართ გულგრილი, გოგომ მაინც 3 წელი აწვალა.

მერე შოთიკოც ჩამოვიდა თბილისში და დაიწყო ურთიერთობა, რომელიც 10 წლის განმავლობაში გრძელდებოდა - დაშორებებითა და შერიგებებით, სევდიანი წუთებითა და ბედნიერი დღეებით. მეგობრები ეხუმრებოდნენ, თქვენზე კარგი საპნის ოპერა დაიწერებაო.

ორივე გრძნობდა, რომ ერთმანეთისთვის იყვნენ შექმნილები და 10-წლიანი ურთიერთობა ულამაზესი ქორწილით დააგვირგვინეს.

P.S. თუ გსურთ, თქვენი ქორწილის ფოტოები FunTime-ზე გამოქვეყნდეს, დაგვირეკეთ: 595 01 82 40 ან მოგვწერეთ: Tinatin Gogishvili