დღის დედოფალია 23 წლის ნინო ზანგური, ფსიქოლოგი.
სიძე - 23 წლის გიორგი სინჯარაძე, ბიზნესის ადმინისტრირების სპეციალისტი.
ნინო და გიორგი ერთ სკოლაში სწავლობდნენ, თუმცა ერთმანეთს არ იცნობდნენ.
ნინო გიორგის დას იცნობდა, რომელიც ნინოს ბიძაშვილის კლასელი იყო. მათი ბანკეტის დღეს გიორგიმ სალონში, დასთან ერთად, ნინოს ბიძაშვილიც წაიყვანა, რომელსაც ნინოც ახლდა. ასე გაიცნეს ერთმანეთი.
გიორგი ამბობს, რომ ნინო დანახვისთანავე ჩაუვარდა გულში და თქვა, ეს გოგო ჩემი ცოლი უნდა გახდესო. გოგო თავიდან არასერიოზულად უყურებდა ურთიერთობას და ბიჭს 2 თვე დასჭირდა, შეხვედრაზე რომ დაეთანხმებინა.
ერთ წელიწადში კი გიორგიმ მოახერხა, რომ ნინოსაც თავდავიწყებით შეჰყვარებოდა.