დღის დედოფალია 23 წლის მედეა დიდბარიძე.
სიძე - 24 წლის ლაშა მინდიაშვილი.
ბიჭმა გოგოს ფოტოები შემთხვევით აღმოაჩინა სოციალურ ქსელში. ძალიან, ძალიან მოეწონა და გაცნობაც მოახერხა საერთო მეგობრის დახმარებით...
ცოტა ხანში შეყვარებულების ამპლუაშიც აღმოჩნდნენ, თუმცა ერთმანეთის ნახვას ხშირად ვერ ახერხებდნენ - მედეა თბილისში სწავლობდა, ლაშა ქუთაისში ცხოვრობდა.
მიუხედავად ამისა, იყო ძალიან ბევრი მოულოდნელი სიურპრიზი. თბილისში ბევრჯერ დიდი თაიგულით ხელში დახვედრია ლაშა საყვარელ ქალს. მედეაც ახერხებდა ჩუმად ქუთაისში ჩასვლას და ლაშას მოულოდნელი შეხვედრებით გაბედნიერებას.
საბოლოოდ, მუდმივი განშორებით დაღლილებმა, ზაფხულში გაპარვა გადაწყვიტეს და ღამის 4 საათზე ბათუმის გზას დაადგნენ...