გაღვივებულ ნიორს ნუ გადააგდებთ!

რჩევები დიასახლისებს

27 მარტი 12:00
452

გაღვივებული ნივრის სასარგებლო თვისებები...

გაღვივებული ნიორი შეიცავს ნივთიერებებს, რომლებიც ჩვეულებრივ ნიორში არ მოიპოვება.
საქმე ის გახლავთ, რომ გაღვივების პროცესში ნიორში ახალი ფერმენტები წარმოიქმნება, რომლებიც უამრავ დაავადებას ებრძვის. თუნდაც ანტიოქსიდანტების ნაკრები რად ღირს..


ყოველდღიურად გაღვივებული ნივრის თითო კბილი უნდა მიირთვან ადამიანებმა, ვისაც დაქვეითებული იმუნიტეტი აქვთ ან ვირუსით არიან ავად.


ნივრისგან უამრავი სხვადასხვა ნაყენი მზადდება, რომლებიც სისხლძარღვებს წმენდენ და გულის მუშაობას ეხმარებიან. გაღვივებული ნივრის შემთხვევაში კი ნაყენის დამზადებაც არაა საჭირო. საკმარისია ყოველდღიურად თითო კბილი მიირთვათ და თქვენი გული საათივით ამუშავდება.


ხალხურ მედიცინას თუ დავუჯერებთ, ინსულტისა და თრომბის წარმოქმნის პროფილაქტიკისთვის საკმარისია გაღვივებული ნივრის სისტემატიური მიღება.


ნიორი უებარი დამხმარეა მოწამვლის დროს და აჩერებს დიარეას.


ხელს უშლის ავთვისებიანი სიმსივნეების წარმოქმნას და ორგანიზმს კანცეროგენებისგან წმენდს.


გაღვივებული ნივრის ანტიოქსიდანტები აფერხებენ უჯრედების დაბერებისა და ნაოჭების გაჩენის პროცესს.


როგორ გამოვიყენოთ გაღვივებული ნიორი?
პირველ რიგში, მოერიდეთ საეჭვო ხარისხის პროდუქტს და ეცადეთ, გლეხებისგან ნატურალური ნიორი შეიძინოთ.
გამოყენების წინ ნივრის კბილი შუაზე გაჭერით და დარწმუნდით, რომ გაღვივებული მწვანე ღერი ჯანსაღია.
ამის შემდეგ, შეგიძლიათ ნიორი ნებისმიერ კერძს დაუმატოთ, მხოლოდ თერმული დამუშავების გარეშე. კერძში ნიორის ჩაშვებისთანავე, ქვაბი ცეცხლიდან უნდა გადმოდგათ.
გაღვივებულ ნიორს გაცილებით მძაფრი გემო აქვს, ამიტომ ზომიერება დაიცავით.