კისელის კექსი - ეკონომიური დიასახლისების აღმოჩენა

რჩევები დიასახლისებს

1 მაისი 12:00
341

კექსის მოსამზადებლად საჭიროა მზა კისელის ფხვნილი, რომელიც ყველა მაღაზიაში იყიდება...

კისელის კექსი
ინგრედიენტები:
მზა კისელის ფხვნილი ნებისმიერი ხილის არომატით - 1 შეკვრა,
კვერცხი - 3 ცალი,
არაჟანი - 1 ს/კ.
ფქვილი - 5 ს/კ.
გამაფხვიერებელი - ნახ. ჩ/კ.
ვანილი - დანის წვერით,
შაქრის პუდრი - 3 ს/კ.
მწიკვი მარილი.


მომზადების წესი:
კისელის ფხვნილი კარგად დაფშვენით და გამაფხვიერებელთან, ვანილთან, მარილთან და შაქრის პუდრთან ერთად, ფქვილს შეურიეთ.
ფქვილოვან მასაში ჩაახალეთ კვერცხები, დაამატეთ არაჟანი და კარგად მოურიეთ.
მოამზადეთ ქაღალდის ან სილიკონის ფორმები, წაუსვით ზეთი და კისელის ცომი მოათავსეთ.
ფორმები 180 გრადუსზე გახურებულ ღუმელში 30-35 წუთი აცხვეთ.
მზა კექსები გააგრილეთ და ფორმებიდან ამოიღეთ.



კისელის კექსი შოკოლადით
ინგრედიენტები:
კისელის ფხვნილი კენკრის არომატით - 1 შეკვრა,
შავი შოკოლადი - 80 გრ.
კვერცხი - 3 ცალი,
შაქარი - 3 ს/კ.
კეფირი - 1 ჭიქა,
ფქვილი - 1,5 ჭიქა,
გამაფხვიერებელი- 1 ჩ/კ.
შაქრის პუდრი - 2 ს/კ.



მომზადების წესი:
კისელის ფხვნილი კარგად გააფხვიერეთ.
ცალკე ჯამში კარგად ათქვიფეთ კვერცხი და შაქარი, სანამ მოცულობაში ორჯერ არ გაიზრდება.
თქვეფის შეუჩერებლად, ნელ-ნელა დაუმატეთ კეფირი და ბოლოს ფქვილი, კისელის ფხვნილი და გამაფხვიერებელი.
შოკოლადი წვრილად გახეხეთ და მზა ცომში დაამატეთ.
უნდა მიიღოთ არაჟნის სისქის ცომი, რომელიც ცხიმწასმულ, მრგვალ ფორმაში გადაიტანეთ და 170 გრადუსზე გახურებულ ღუმელში 30-35 წუთის განმავლობაში აცხვეთ.
მზა კექსს თავზე შაქრის პუდრი მოაყარეთ.


გემრიელად მიირთვით!