პროდუქტი:
ატამი - 1,5 კგ.
წყალი - 1.5 ლ.
შაქარი - 200 გრ.
ლიმონის მჟავა - 1 ჩ/კ.
მომზადების წესი:
1. შეარჩიეთ მწიფე, მაგრამ მკვრივი ნაყოფი. კარგად გარეცხეთ და ყუნწები და კანი მოაცილეთ;
2. ატამი გაჭერით შუაზე, მოაცალეთ კურკა და წინასწარ გარეცხილ და გასტერილებულ ქილებში ფენა-ფენა, მჭიდროდ ჩაალაგეთ;
3. წყალი აადუღეთ და ჩაასხით ქილაში. დააფარეთ თავსახური და ასე დატოვეთ ნახევარი საათი;
4. ნახევარი საათის შემდეგ ქილებიდან წყალი ისევ ქვაბში ჩაასხით, დაუმატეთ შაქარი და ლიმონის მჟავა და ისევ წამოადუღეთ შაქრის სრულ გადნობამდე.
5. მდუღარე სიროფი ჩაასხით ქილებში და მაშინვე მოხუფეთ. შემდეგ გადმოაბრუნეთ და კარგად შეფუთეთ. გაციებული ქილები გადმოაბრუნეთ და მშრალ, გრილ ადგილზე შეინახეთ.