მარტივი ხერხები პროდუქტის სწორად ასარჩევად

რჩევები დიასახლისებს

25 მარტი 10:00, 2015 წელი

რას უნდა მივაქციოთ ყურადღება
ხორცის, ქათმის, თევზის, ასევე, ბოსტნეულისა და თაფლის შეძენისას?

ეს მარტივი რჩევები ხარისხიანი პროდუქტის არჩევაში დაგეხმარებათ.


ხორცი:

1) ხორცის სიახლისა და ხარისხიანობის დადგენა შესაძლებელია უბრალო საშრობი ქაღალდით (მაგ., „სელპაკი“, „სოლო“...) – ახალი ხორცი საშრობ ქაღალდზე ლაქებს არ ტოვებს, საეჭვო ხარისხის ხორცის შემთხვევაში კი ქაღალდი სისხლით იჟღინთება.
2) ხორცის ვარგისიანობის შემოწმება, უბრალოდ, თითის დაჭერითაც შეიძლება. ხორცს თითი კარგად დააჭირეთ და დააკვირდით – თუ წარმოქმნილი ჩაღრმავება მაშინვე გასწორდა, ხორცი ახალი და კარგია.
3) ყურადღება მიაქციეთ ხორცის ფერს – საქონლის ხორცი მუქი წითელი უნდა იყოს; ღორის ხორცი – ვარდისფერი; ხბოს ხორცი – კიდევ უფრო ღია ვარდისფერი; ცხვრის ხორცი საქონლისას ჰგავს, თუმცა უფრო მუქი და მკვეთრი ფერი აქვს. 
4) გამომშრალმა ხორცმა შეიძლება მოვარდისფრო ან მოწითალო ქერქი გაიკეთოს და ეს სავსებით ნორმალურია. მთავარია, არ ჰქონდეს ლორწო – ხორცს ხელის გულს რომ მიადებთ, არ უნდა დაგისველდეთ.
5) დააკვირდის სუნს – ახალ ხორცს არასდროს არ აქვს მძაფრი სუნი!


ქათამი:

1) არ იყიდოთ ცოცხალი ქათამი, რომელსაც ბიბილო და ნისკარტი მოლურჯო ფერის აქვს – ეს ავადმყოფობის მაჩვენებელია.
2) გირჩევთ, არ შეიძინოთ ბებერი ფრინველი, რადგან მისი ხორცი მაგარი და უხეშია და დიდხანს ხარშვას საჭიროებს. ბებერი ქათმის კანი უხეშია და მოყვითალო ფერი დაჰკრავს. ფეხები დაფარულია უხეში ქერცლით, ხოლო ფეხის ქვედა მხარეს კანს უხეში წანაზარდები აქვს.
3) ახალგაზრდა ქათმის კანი ღია ფერისაა, ფეხები კი წვრილი, ყვითელი ქერცლით აქვს დაფარული.
4) ქათმის გულისპირი არ უნდა იყოს ძალიან ამობურცული – ეს იმის ნიშანია, რომ ქათამი ჰორმონებზეა გაზრდილი.
5) ახალ ქათამს კანი აქვს მშრალი და სუფთა. თუ კანი წებოვანია, შესაძლოა, ქათამი ავად იყო და მას ანტიბიოტიკებით უმკურნალეს.


თევზი:

თუ ახალი (ცოცხალი) თევზის შეძენა გადაწყვიტეთ, მისი კარგად დათვალიერება მოგიწევთ. ახალ თევზს:
1) თვალები ამობურცული და მკვრივი უნდა ჰქონდეს;
2) ლაყუჩები – მკვეთრი წითელი; 
3) ქერცლი – მბზინვარე.
4) ახალ თევზს, რაც არ უნდა გაგიკვირდეთ, თევზის სუნი არ აქვს – მას ზღვის მსუბუქი არომატი დაჰკრავს;
5) კარგად დააჭირეთ თითი და დააკვირდით – თუ წარმოქმნილი ჩაღრმავება მაშინვე გასწორდა, ესე იგი, თევზი ახალია. 
თუ თევზს ლაყუჩები მონაცრისფრო ან მომწვანო აქვს, მუცელი შებერილი და კანი ლორწოთი დაფარული, მისი შეძენისგან თავი შეიკავეთ.


 


დაბოლოს:
ძალიან ნუ გაგიტაცებთ შებოლილი პროდუქტები. შებოლვის დროს წარმოქმნილმა ფისებმა შეიძლება, ორგანიზმზე კანცეროგენული ზემოქმედება მოახდინოს. შემთხვევითი არ არის, რომ გერმანიაში, სადაც უპირატესობას ასეთ დელიკატესებს ანიჭებენ, კუჭის კიბო დაავადებათა სიხშირით პირველ ადგილს იკავებს.


 
ბოსტნეული:

არ იყიდოთ:
1) მოყვითალო ფერის კომბოსტო. ახალი და ხარისხიანი კომბოსტო თეთრი ფერის, ოდნავ მომწვანო უნდა იყოს.
2) სინათლისგან დაზიანებული, გამწვანებული კარტოფილი, რადგან ასეთ კარტოფილში დაგროვებულია საწამლავი – სოლანინი.
3) ღია შეფერილობისა და მსხვილი ჯიშის ჭარხალი. ამ ჯიშის ჭარხალს ცხოველების საკვებად იყენებენ. ჭარხლის კანი უნდა იყოს დეფექტების გარეშე, ხოლო შიგთავსი არ უნდა შეიცავდეს სიცარიელეს და მკვრივ ჩანართებს.
4) სტაფილო რბილი, ლაქებით ან ნახეთქებით - ეს იმის ნიშანია, რომ შუაგული დაზიანებული აქვს. სტაფილოს რაც უფრო მკვეთრი ფერი აქვს, მასში უფრო მეტია A ვიტამინი.
5) რაც შეეხება ბადრიჯანს, ისევე, როგორც საზამთრო, „ორსქესიანია“. ჯობია, არჩევანი „მამრობით“ ნაყოფზე შევაჩეროთ, რომელსაც უკეთესი გემოვნური თვისებები და ნაკლები თესლი აქვს. „მამრობით“ ნაყოფს ბოლოზე არსებული მცირე ზომის მრგვალი ჩაღრმავებით გამოარჩევთ.




თაფლი:

როგორ გამოვიცნოთ, ნატურალურია თუ არა თაფლი?


თუ ცხელ რძეში ერთ კოვზ თაფლს ჩადებთ და რძე მაშინვე ახაჭოვდება,  ეს იმას ნიშნავს, რომ თაფლი ნატურალური არ არის – ეს ფალსიფიცირებული თაფლის ამოცნობის ყველაზე უტყუარი მეთოდია.


მწიფედ და შესანახად ვარგისად თაფლი იმ შემთხვევაში მიიჩნევა, თუ ის 18-20% წყალს შეიცავს. ამოიღეთ თაფლი კოვზით და გადააბრუნეთ – მწიფე თაფლი კოვზზე ლენტივით დაეხვევა და უწყვეტ ნაკადად დაიღვენთება, უმწიფარი კი, უბრალოდ, კოვზიდან იღვრება.


თაფლს აქვს თვისება, ჯერ შესქელდეს და შემდეგ დაკრისტალდეს. დაკრისტალებული (შესქელებული) თაფლი ცუდი არ არის, როგორც ზოგიერთები ფიქრობენ. პირიქით, კრისტალიზაციის პროცესი იმის ნიშანია, რომ თაფლში წყალი მცირე რაოდენობითაა, რაც თაფლის მაღალ ხარისხზე მიუთითებს.


ქიმიური ფანქრის მეშვეობით მოწმდება თაფლის არა ნატურალურობა, არამედ მასში წყლის შემცველობა. დაიწვეთეთ თაფლი ხელზე და ჩაუშვით მასში ქიმიური ფანქარი. თუ გაშლილი მელნის ლაქა წარმოიქმნება, ე.ი. თაფლი დიდი რაოდენობით წყალს შეიცავს; თუ არა – მაშინ თაფლი კარგი ხარისხისაა. თაფლს დაუმატეთ ანადუღარი ან, უკეთესია, დისტირილებული წყალი და რამდენიმე წვეთი იოდი. თუ თაფლში ფქვილი ან სახამებელია, ხსნარი მაშინვე გალურჯდება, თუ არა – ფერს არ შეიცვლის.

დღის ჰოროსკოპი

16 ივნისის ასტროლოგიური პროგნოზი

რას გვირჩევენ ვარსკვლავები 16 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არასტანდარტული აზროვნებით „გამორჩეულები“

ალბათ თქვენც დაგვეთანხმებით, რომ არასტანდარტული აზროვნება და კრეატიულობა სულ სხვა რამაა და არა ის, რაც ამ ფოტოებზეა... 
ამბები

როგორ შევქმნათ ბიზნესმოდელი ანუ როგორ ვმართოთ კომპანია

ინტერვიუ „ჯეპრას“ კონსულტანტ მანჩო ონიაშვილთან.
დღის ჰოროსკოპი

15 ივნისის ასტროლოგიური პროგნოზი

რას გვირჩევენ ვარსკვლავები 15 ივნისისთვის ჯანმრთელობის, ბიზნესისა და სიყვარულის მიმართულებით?
კინო

5 ფილმი მხოლოდ ქალებისთვის

თუ მათგან რომელიმეს ნახვას გადაწყვეტთ, აუცილებლად მარტომ უყურეთ.
დღის ჰოროსკოპი

14 ივნისის ასტროლოგიური პროგნოზი

რას გვირჩევენ ვარსკვლავები 14 ივნისისთვის ჯანმრთელობის, ბიზნესისა და სიყვარულის მიმართულებით?
იცით თუ არა...

Just do it - რა იმალება „ნაიკის“ ამ ლეგენდარული სლოგანის უკან?

როგორ დაიბადა ფრაზა Just do it (უბრალოდ გააკეთე), რომელმაც NIKE მსოფლიო ლიდერად აქცია - ამის შესახებ ჰყვება დენ ვიდენი, სარეკლამო კომპანიის თანამფლობელი, რომელმაც ეს სიტყვები სლოგანად შესთავაზა „ნაიკს“ 1988 წელს. 
კულინარია

ყაბაყი უნგრულად - პიკანტური და მდიდარი არომატი

ამ კერძისთვის საჭირო ინგრედიენტები სახლში ყოველთვის მოიძებნება, თანაც რაც არ უნდა „ეცადოთ“, ეს კერძი უგემური მაინც არ გამოგივათ.
ამბები

Volvo Cars-მა და Varjo-მ ავტომობილების განვითარებისთვის პირველი „შერეული რეალობის“ აპლიკაცია გამოუშვეს

Volvo Cars-ის და Varjo-ს (ვირტუალური რეალობის აღსაქმელი მოწყობილობების მწარმოებელი ფინური კომპანია) თანამშრომლობით შეიქმნა მსოფლიოში პირველი შერეული რეალობის მოწყობილობა, უსაფრთხოების ტექნოლოგიების გაუმჯობესების მიზნით.
დღის ჰოროსკოპი

13 ივნისის ასტროლოგიური პროგნოზი

რას გვირჩევენ ვარსკვლავები 13 ივნისისთვის ჯანმრთელობის, ბიზნესისა და სიყვარულის მიმართულებით?
კინო

ულამაზესი ანჯელინა ჯოლის 15 განსაცვიფრებელი როლი

უნდა ვაღიაროთ, რომ ანჯელინას გარეშე ამ ფილმებიდან არცერთი არ იქნებოდა ასეთი საინტერესო და ამაღელვებელი.
საკნატუნო ამბები

სილამაზე თუ?...

უცენზურო კაბებმა მოდის სამყარო დაიპყრო.