რა უნდა გავაკეთოთ, რომ აგარაკიდან დაბრუნებულს სახლში მტვრიანი ხალიჩა არ დაგვხვდეს?

რჩევები დიასახლისებს

10 ივნისი 10:00, 2015 წელი

თუ დროულად და სწორად არ მოუვლით, ლამაზ და ფუმფულა ხალიჩას, რომელიც თქვენს სახლში სიმყუდროვეს ქმნის, უამრავი პრობლემის შექმნაც შეუძლია.


მაგალითისთვის ალერგიული დაავადებებიც კმარა. როგორ მოვუაროთ ხალიჩას ისე, რომ პირვანდელი სახე შეინარჩუნოს და მტვრის ბუდედ არ იქცეს?

ახალ ხალიჩას, დაახლოებით, ნახევარი წლის განმავლობაში გაწმენდა არ სჭირდება, სანამ ბეწვი არ დატკეპნება. 

ოჯახურ პირობებში სასურველია, ხალიჩა, გარეცხვის ნაცვლად, გაიწმინდოს ან გაიბერტყოს. მტვერსასრუტის პირობებში ხალიჩის მოვლა გაცილებით მარტივია. კვირაში ერთხელ ხალიჩა მტვერსასრუტით ორივე მხრიდან უნდა გაიწმინდოს – ჯერ უკუღმა და შემდეგ წაღმა მხრიდან. თუ მტვერსასრუტი არ გაქვთ, მაშინ ხალიჩის გასაწმენდად მსხვილი ჯაგრისი ან ცოცხიც გამოდგება, ოღონდ ამ შემთხვევაში წინასწარ დასველებულ და კარგად გაწურულ ტილოში უნდა გაახვიოთ.

სასურველია, ხალიჩა პერიოდულად დაიბერტყოს, მაგრამ აქაც გარკვეული წესებია დასაცავი. არავითარ შემთხვევაში არ შეიძლება დასაბერტყი ხალიჩის  სარეცხის დასაფენ თოკებზე გადაფენა, რადგან ეს მის სტრუქტურას არღვევს. ხალიჩა უნდა გადაკიდოთ სპეციალურ ხარიხაზე და ორივე მხრიდან სპეციალური საბერტყელათი ან მსხვილი წკეპლით დაბერტყოთ. განსაკუთრებით კარგად უნდა დაიბერტყოს უკუღმა მხრიდან. ამის შემდეგ სველი ცოცხით ან ჯაგრისით ჩამოწმინდეთ და სახლში შეიტანეთ.

ზამთარში ხალიჩა კარგად იწმინდება მშრალი თოვლით. თუ თოვლი სველია, ხალიჩის გასაწმენდად არ გამოდგება. ხალიჩა წაღმა მხრიდან დაფინეთ სუფთა თოვლზე და უკანა მხრიდან საბერტყელათი დაბერტყეთ. იგივე გაიმეორეთ უკუღმა მხრიდანაც. ამის შემდეგ ხალიჩა სუფთა, ნოტიო ჩვრით გაწმინდეთ და სახლში შეიტანეთ.

ხალიჩის გაწმენდა შესაძლებელია სველი მარილით, სველი ნახერხით ან გამოყენებული ჩაის ფერითაც. ამათგან  ერთ-ერთი ხალიჩას მოაყარეთ და ტარიანი ჯაგრისი დახმარებით კარგად წაუსვით. შემდეგ ჭუჭყიანი მასა გადაყარეთ და ახალი მოაყარეთ. ასე გაიმეორეთ რამდენჯერმე. 

უკეთეს შედეგს მიიღებთ, თუ ნახერხს ცოტაოდენ საპნის ფხვნილს და ბენზინს შეურევთ, მაგრამ არ დაგავიწყდეთ, რომ ბენზინი ადვილად აალებადი ნივთიერებაა და ეს პრცედურა ცეცხლისგან მოშორებით უნდა ჩაატაროთ. გაწმენდის შემდეგ ხალიჩას ნახერხის და მარილის ნარჩენები მტვერსასრუტით მოაცილეთ. 

ხალიჩის გაწმენდა შესაძლებელია ძმრიანი წყლითაც. ჭუჭყის მოცილების გარდა, ძმარი ხალიჩას ხასხასა ფერების შენარჩნებაში დაეხმარება.

ხალიჩიდან ცხიმიანი ლაქების მოსაცილებლად დალაქავებულ ადგილს კარგად წაუსვით სარეცხის ფხვნილისა და ბენზინისგან დამზადებული ფაფა. მთელი ღამით დატოვეთ და დილას ცხელ წყალში დასველებული ჩვრით გაწმინდეთ. ცხიმიანი ლაქების ამოყვანა ბენზინში არეული ნახერხითაც შეიძლება. ეს მასა უნდა დავაყაროთ დალაქავებულ ადგილას და ნახევარი საათის შემდეგ ამოვწმინდოთ. წმენდა ცეცხლიდან მოშორებით უნდა ხდებოდეს.



ხალიჩიდან მელნის ლაქების ამოყვანა შესაძლებელია ლიმონის მჟავაში დასველებული ნაჭრით. ნაჭერი რამდენჯერმე უნდა შეცვალოთ. ამოწმენდილი ადგილი კი ჯერ საპნიანი, შემდეგ კი სუფთა წყლით გაწმინდოთ.

ძალიან დაბინძურებული ხალიჩა ჩაალბეთ ნიშადურის სპირტიან ან სოდიან წყალში. შემდეგ წყლიდან ამოიღეთ და გაწმინდეთ საპნიან წყალში დასველებული ჯაგრისით. თუ ხალიჩის გარეცხვა გარდაუვალია, ჯერ თბილ და შემდე ცივ გამდინარე წყალში გარეცხეთ. კარგი იქნება, თუ რეცხვის დასრულების შემდეგ ძმრიან წყალში დასველებულ ტილოს გადაუსვამთ (1 ვედრ წყალზე 1 ჭიქა ძმარი).



გაწმენდილი ან დაბერტყილი ხალიჩა „იბრწყინებს“, თუ პროცესის დასრულების შემდეგ ეთილის სპირტში დასველებულ ღრუბელს გადაუსვამთ.

ხშირად, ხალიჩის კიდეები იპრიხება და ფრთხილად თუ არ გაიარეთ, შეიძლება ფეხიც წამოკრათ. ეს რომ თავიდან აიცილოთ, ხალიჩის კიდეებთან, უკანა მხრიდან ნემსით და ძაფით მიამაგრეთ მუყაოს ნაჭერი. ხალიჩა იატაკზე თანაბრად დაეფინება და ფეხს აღარავინ წამოკრავს. 

ხალიჩის აპრეხილი კიდეების გასწორება სხვა ხერხითაც შეიძლება: აიღეთ ცელოფნის ორი ნაჭერი და სველი ჩვარი. ხალიჩას ძირს დაუფინეთ ცელოფანი.ზემოდან დააფინეთ ჯერ სველი ჩვარი, შემდეგ ხალიჩის კუთხე. ხალიჩას ზემოდანაც სველი ჩვარი და ცელოფანი დააფინეთ და რაიმე სიმძიმე დაადეთ. ორი-სამი დღის შემდეგ ხალიჩის კუთხე გასწორდება.  

თუ ხალიჩას ალაგ-ალაგ ბეწვი გასცვივდა, შეარჩიეთ შესაფერისი ფერის ძაფები და ორნამენტების მიხედვით ამოკემსეთ. ეცადეთ, რომ ძაფს წაღმა პირიდან ჰქონდეს მარყუჟები, რომელიც ბოლოს მაკრატლით უნდა ააჭრათ და რესტავრირებული ადგილი გადავარცხნოთ.

თადარიგი დაიჭირეთ, რომ ზაფხულის შვებულებიდან დაბრუნებულს ხალიჩა დამტვრიანებული არ დაგხვდეთ. ამისთვის ხალიჩაზე დააფინეთ გაზეთები, მოაწყვეთ ნაფტალინიანი პარკები და რაც შეიძლება მჭიდროდ გადაახვიეთ (უკეთესი იქნება, თუ ხის ჯოხზე დაახვევთ). გარედან კი, ასევე, მჭიდროდ შემოახვიეთ ქაღალდი, რათა მტვერმა შიგნით ვერ შეაღწიოს.

დღის ჰოროსკოპი

16 ივნისის ასტროლოგიური პროგნოზი

რას გვირჩევენ ვარსკვლავები 16 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არასტანდარტული აზროვნებით „გამორჩეულები“

ალბათ თქვენც დაგვეთანხმებით, რომ არასტანდარტული აზროვნება და კრეატიულობა სულ სხვა რამაა და არა ის, რაც ამ ფოტოებზეა... 
ამბები

როგორ შევქმნათ ბიზნესმოდელი ანუ როგორ ვმართოთ კომპანია

ინტერვიუ „ჯეპრას“ კონსულტანტ მანჩო ონიაშვილთან.
დღის ჰოროსკოპი

15 ივნისის ასტროლოგიური პროგნოზი

რას გვირჩევენ ვარსკვლავები 15 ივნისისთვის ჯანმრთელობის, ბიზნესისა და სიყვარულის მიმართულებით?
კინო

5 ფილმი მხოლოდ ქალებისთვის

თუ მათგან რომელიმეს ნახვას გადაწყვეტთ, აუცილებლად მარტომ უყურეთ.
დღის ჰოროსკოპი

14 ივნისის ასტროლოგიური პროგნოზი

რას გვირჩევენ ვარსკვლავები 14 ივნისისთვის ჯანმრთელობის, ბიზნესისა და სიყვარულის მიმართულებით?
იცით თუ არა...

Just do it - რა იმალება „ნაიკის“ ამ ლეგენდარული სლოგანის უკან?

როგორ დაიბადა ფრაზა Just do it (უბრალოდ გააკეთე), რომელმაც NIKE მსოფლიო ლიდერად აქცია - ამის შესახებ ჰყვება დენ ვიდენი, სარეკლამო კომპანიის თანამფლობელი, რომელმაც ეს სიტყვები სლოგანად შესთავაზა „ნაიკს“ 1988 წელს. 
კულინარია

ყაბაყი უნგრულად - პიკანტური და მდიდარი არომატი

ამ კერძისთვის საჭირო ინგრედიენტები სახლში ყოველთვის მოიძებნება, თანაც რაც არ უნდა „ეცადოთ“, ეს კერძი უგემური მაინც არ გამოგივათ.
ამბები

Volvo Cars-მა და Varjo-მ ავტომობილების განვითარებისთვის პირველი „შერეული რეალობის“ აპლიკაცია გამოუშვეს

Volvo Cars-ის და Varjo-ს (ვირტუალური რეალობის აღსაქმელი მოწყობილობების მწარმოებელი ფინური კომპანია) თანამშრომლობით შეიქმნა მსოფლიოში პირველი შერეული რეალობის მოწყობილობა, უსაფრთხოების ტექნოლოგიების გაუმჯობესების მიზნით.
დღის ჰოროსკოპი

13 ივნისის ასტროლოგიური პროგნოზი

რას გვირჩევენ ვარსკვლავები 13 ივნისისთვის ჯანმრთელობის, ბიზნესისა და სიყვარულის მიმართულებით?
კინო

ულამაზესი ანჯელინა ჯოლის 15 განსაცვიფრებელი როლი

უნდა ვაღიაროთ, რომ ანჯელინას გარეშე ამ ფილმებიდან არცერთი არ იქნებოდა ასეთი საინტერესო და ამაღელვებელი.
საკნატუნო ამბები

სილამაზე თუ?...

უცენზურო კაბებმა მოდის სამყარო დაიპყრო.