წაიკითხეთ და დაიმახსოვრეთ:
თუკი დრო გაგეპარათ და ადუღებული ხორცის ნახარშიდან ქაფის მოხდა ვერ მოასწარით, ნუ დაღონდებით. ხორციან ქვაბში ჭიქა წყლის დამატებით ქაფი კვლავ გაჩნდება და ახლა უკვე თავისუფლად შეძლებთ ხორცის ნახარშიდან ქაფის მოშორებას.
იმისათვის, რომ ღუმელში ხორცის შეწვის დროს ხორცი არ დაგეწვათ და არ გამოშრეს, დადგით ღუმელშივე წყლით სავსე, თუნდაც პატარა ჭურჭელი.
თუ გსურთ, რომ ქათმის ბულიონი გემრიელი და არომატული გამოვიდეს, დაუმატეთ მას მხოლოდ სტაფილო და ხახვი. სხვა სანელებლების დამატებით ბულიონს გემო დაეკარგება.
იმისთვის, რომ სუპი გემრიელი და არომატული გამოვიდეს, დაფნის ფოთოლი კერძიდან მხოლოდ მისი მომზადების შემდეგ ამოიღეთ.
იმისთვის, რომ სუპი გემრიელი და არომატული გამოვიდეს, დაფნის ფოთოლი კერძიდან მხოლოდ მისი მომზადების შემდეგ ამოიღეთ.
იმისთვის, რომ შემწვარი თევზი არ დაიშალოს, შეწვამდე გაამშრალეთ ხელსახოცით, დაამარილეთ და გააჩერეთ 15 წუთი.
რაც უფრო წვრილად დაჭრილ სოკოს გაუკეთებთ კერძს, მით უფრო გემრიელი და არომატული გამოგივათ.
რაც უფრო ძველია კარტოფილი, მით უფრო ბევრ წყალში უნდა მოიხარშოს.
იმისთვის, რომ შეწვის დროს ზეთი არ შეგეშხეფოთ, მოაყარეთ ტაფას მარილი და შემდეგ შეუდეგით შეწვას.
სალათი მცენარეული ზეთით სულ ბოლოს შეაზავეთ, რადგან მარილი ზეთში არ იხსნება.
იმისთვის, რომ კარაქი შეწვისას არ გაშავდეს, ცხელ ტაფას წაუსვით მცენარეული ზეთი და შემდეგ მოათავსეთ ზედ კარაქის ნატეხი.
საფუარიანი ცომი გაცილებით მალე ამოვა, თუკი მზა ცომში რამდენიმე მარცვალ მაკრონს ჩაარჭობთ.
მაიონეზიანი სალათები განსაკუთებულ გემოს შეიძენს, თუკი სუფრაზე მიტანამდე მასში ლიმნის კანს ჩადებთ.
სოფლის ქათამი გაცილებით მალე მომზადდება, თუკი 30 წუთიანი ხარშვის შემდეგ მას 5 წუთით ცივ წყალში ჩადებთ.
ზეთში ჩადებული წვრილად დაჭრილი უმი კარტოფილი თევზის შეწვის დროს გამოყოფილ არასასიამოვნო სუნს გააქრობს.