ზოგიერთი მწარმოებელი კეტჩუპს გასასქელებლად სახამებელსაც უმატებს. სწორედ ამიტომ ექიმები მაღაზიაში ნაყიდი კეტჩუპის ხშირად გამოყენებას არ გვირჩევენ, რადგან შესაძლოა, ამან კუჭ-ნაწლავის პრობლემები გამოიწვიოს და ზედმეტი წონაც შეგვმატოს. ასეთი პრობლემების თავიდან ასაცილებლად, შემოგთავაზებთ სახლის პირობებში კეტჩუპის მომზადების წესს. გახსოვდეთ, რომ საუკეთესო კეტჩუპი მხოლოდ მწიფე და ხორციანი პომიდვრისგან გამოგივათ.
საჭირო ინგრედიენტები:
პომიდორი - 5 კგ.
ბულგარული წიწაკა - 300 გრ.
ხახვი - 500 გრ.
შაქარი - 200 გრ.
მარილი - 1-2 სუფრის კოვზი
მწარე წიწაკა - 2 ჩაის კოვზი
ძმარი - 1/2 ჩაის ჭიქა.
მომზადების წესი:
1. პომიდორი კარგად გარეცხეთ გამდინარე წყალში. შემდეგ შუაზე გაჭერით და თესლი ამოაცალეთ.
2. გაჭრილი და თესლამოცლილი პომიდორი 5 წუთით მდუღარე წყალში მოათავსეთ.
3. შემდეგ ამოიღეთ და და წინასწარ მომზადებულ ცივ წყალში ჩაუშვით.
4. გააცალეთ პომიდორს კანი და დაჭერით წვრილ ნაჭრებად.
5. დაჭერით ხახვი და ბულგარული წიწაკა.
6. ეს ყველაფერი ხორცის საკეპ მანქანაში გაატარეთ.
7. გატარებული პომიდორი, ხახვი და წიწაკა ფართო ქვაბში გადაიტანეთ. მოაყარეთ მარილი, შაქარი და კარგად მოურიეთ.
8. ტომატის მასა ადუღებამდე მიიყვანეთ, მოხადეთ ქაფი და, დაახლოებით, ნახევარი საათი ადუღეთ.
9. დაამატეთ მწარე წიწაკა და გააგრძელეთ ხარშვა საჭირო სისქემდე.
10. ბოლოს დაამატეთ ძმარი, კარგად მოურიეთ და კიდევ 2-3 წუთი ადუღეთ.
ცხელი კეტჩუპი წინასწარ გასტერილებულ ქილებში ჩაასხით და დახუფეთ.
დახუფული ქილები ამოაბრუნეთ, სქელი პლედი გადააფარეთ და გაციებამდე ასე დატოვეთ.
შენიშვნა:
შეგიძლიათ, უშუალოდ გამოყენების წინ კეტჩუპს დაჭყლეტილი ნიორი დაუმატოთ.
