გამომცხვარი გოგრა გემრიელი შიგთავსით

რჩევები დიასახლისებს

24 ოქტომბერი 12:00, 2016 წელი
123

გარდა იმისა, რომ გემრიელია, გოგრა უამრავ სასარგებლო ვიტამინს და მინერალს შეიცავს და ძალიან სასარგებლოა. ფარშირებული გოგრა გემრიელი შიგთავსით სწორედ ისაა, რითიც გვიანი შემოდგომის ცივ დღეებში ოჯახის წევრებს ასიამოვნებთ. მაშ ასე:

ფარშირებული გოგრა 

დაგჭირდებათ:
გოგრა - 1,5 კგ.
ვაშლი - 200 გრ.
ქიშმიში - 100 გრ.
კურაგა - 70 გრ.
ბრინჯი - 100 გრ.
კარაქი - 100 გრ
შაქარი - გემოვნებით.


პირველი მოქმედება:
გოგრა კარგად გარეცხეთ და თავი მოაჭერით.
კოვზის დახმარებით ამოაცალეთ კაკლები.
ერთმანეთში კარგად აურიეთ ნახევრად მოხარშული ბრინჯი, ქიშმიში, წვრილად დაჭრილი ვაშლი და კურაგა, კარაქი, შაქარი და კვახის გულში მოათავსეთ.


მეორე მოქმედება:
გოგრას გადაჭრილი თავი მჭიდროდ დაახურეთ და ღუმელში შედგით. აცხვეთ, დაახლოებით, საათნახევრის განმავლობაში და პერიოდულად გამდნარი კარაქი მოასხით. 



გორა ვაშლით


დაგჭირდებათ:
თანაბარი რაოდენობით გოგრა და ვაშლი
შაქარი
ცოტა დარიჩინი
ერთი ჭიქა 15-30%-იანი ნაღები


აიღეთ თანაბარი რაოდენობით გოგრა და ვაშლი.
გაასუფთავეთ კანისა და კურკებისგან და, დაახლოებით, 3 სანტიმეტრის ნაჭრებად დაჭერით.
ღუმელი 180 გრადუსზე გააცხელეთ.
დაჭრილი ვაშლი და კვახი ერთმანეთში აურიეთ და ფორმაში მოათავსეთ. მოაყარეთ 4-5 სუფრის კოვზი შაქარი, ცოტა დარიჩინი.
მოასხით ჭიქაზე ოდნავ მეტი 15-30%-იანი ნაღები და 200 გრადუსზე აცხვეთ, სანამ სისველე მთლიანად არ გაქრება.
ღუმელიდან გამოღების შემდეგ ცხელ-ცხელს თავზე შაქრის პუდრა მოაფრქვიეთ.

გემრიელად მიირთვით!