PET ანდა PETE
ეს ერთჯერადი ბოთლებია. ისინი სითხეში გამოყოფენ მძიმე ლითონებს და, ასევე, ნივთიერებებს, რომლებიც ადამიანის ჰორმონალურ ბალანსზე მოქმედებენ.
PET - მსოფლიოში ყველაზე ხშირად გამოიყენება. მთავარია, გვახსოვდეს, რომ ის მხოლოდ ერთჯერადი გამოყენებისაა. თუკი მას ხელმეორედ გამოიყენებთ, მაშინ მზად იყავით თქვენს ორგანიზმში ზოგიერთი ტუტე ელემენტისა და იმ ბაქტერიების მოსახვედრად, რომლებსაც ძალიან უყვართ PET-ები.
HDP ანდა HDPE
ეს ძალიან კარგი პლასტიკატია, რომელიც თითქმის არავითარ მავნე ნივთიერებას არ გამოყოფს. სპეციალისტები გვირჩევენ, წყალი სწორედ ამგვარ ბოთლებში შევიძინოთ. ის უსაფრთხოცაა და ეკოლოგიურიც: თითქმის მთელი პლასტიკი გადამუშავდება. საკმაოდ ხისტია და მას ყველაზე ხშირად რძის, სარეცხი საშუალებების შესანახად, სათამაშოების ანდა პლასტიკური პაკეტების დასამზადებლად იყენებენ.
PVC ანდა V
ამ მასალისგან დამზადებული ნივთები, სულ ცოტა, ორ სახიფათო ქიმიკატს გამოყოფს. ორივე ეს ნივთიერება ჩვენს ჰორმონალურ ბალანსზე მოქმედებს.
ეს რბილი და დრეკადი პლასტიკატია. მასში ყველაზე ხშირად მცენარეულ ზეთს ინახავენ. მასვე ბლისტერული შეფუთვისა და ბავშვის სათამაშოების დასამზადებლად იყენებენ. ის კომპიუტერული კაბელების დასამზადებლადაც გამოიყენება. მისგანვე ამზადებენ პლასტიკატის მილებს და სანტექნიკურ დეტალებს.
PVC შედარებით ნაკლებად ზიანდება მზის სხივებისა და ამინდის ზემოქმედებით. ამიტომ მისგან ფანჯრის ჩარჩოებსა და ბაღის სარწყავ შლანგებსაც ამზადებენ. ამის მიუხედავად, ექსპერტები ალტერნატივის არსებობისას მის შეძენას არ გვირჩევენ.
LDPE
ამ პლასტიკისგან მზადდება ბოთლებიც და პლასტიკატის პაკეტებიც. ის წყალში ქიმიურ ნივთიერებებს არ გამოყოფს. ამიტომაც უხიფათოა მხოლოდ წყლის შენახვის შემთხვევაში. მისგან დამზადებული პაკეტები არ შეიძინოთ, წინააღმდეგ შემთხვევაში თქვენს ორგანიზმში ორ-სამი საზიანო ნივთიერება მოხვდება.
PP
ეს პლასტიკი თეთრი ან ნახევრად გამჭვირვალეა. მას სიროფებისა და იოგურტების შესანახად იყენებენ. ის თერმომედეგია - თბება, მაგრამ არ დნება. შედარებით უხიფათოა.
PS
ხშირად გამოიყენება ყავის ჭიქებისა და სწრაფი კვების კონტეინერების დასამზადებლად. მაგრამ გათბობისას მავნე ნივთიერებებს გამოყოფს. პოლისტიროლი იაფი, მსუბუქი და საკმაოდ მტკიცე პლასტიკია, მაგრამ ცხელი კერძებისა და სასმელების შესანახად სავსებით არ გამოდგება.
PC ან პლასტიკის სპეციალური ნიშნის გარეშე
ეს პლასტიკის ყველაზე სახიფათო სახეობაა. მას წყლისა და საკვები კონტეინერების დასამზადებლად იყენებენ. პოლიკარბონატის ტარაში საკვების ან წყლის შენახვდა არაფრით არ შეიძლება: ის გამოყოფს ბისფენოლ A-ს - ეს ნივთიერება ენდოკრინულ სისტემას ანადგურებს და ესტროგენის ჰორმონის გამოყოფას უშლის ხელს.
დაბოლოს, სანამ პლასტიკის შეფუთვით რაიმეს შეიძენთ, გირჩევთ, ორჯერ დაფიქრდეთ. რაც არ უნდა იყოს, მინა გაცილებით უხიფათოა.