თინა ლამი და მაიკლ ჩენი ახლა სან-ფრანცისკოში, პრესიდიო ტერასის ჩიხში გზებს, ტროტუარებსა და სხვა საზოგადოებრივ ზონებს ფლობენ. ეს ქუჩის მცხოვრებლებისთვის ნამდვილი შოკი აღმოჩნდა.
აქ სახლები, საშუალოდ, 5,1 მილიონი დოლარი ღირს. ქონების დაკარგვის მიზეზად ერთგვარი დაუდევრობა იქცა...
2015 წელს ლამმა და ჩენმა გადაწყვიტეს, სან-ფრანცისკოში უძრავი ქონება შეეძინათ. აქ საცხოვრებელი, საშუალოდ, 1,2 მილიონი დოლარი ღირს. უეცრად მათ აღმოაჩინეს, რომ ქალაქის აუქციონზე კერძო ქუჩა იყო გამოტანილი. სახლების მფლობელთა ასოციაციამ 30 წლის განმავლობაში ქონებაზე ყოველწლიური გადასახადი 14 დოლარი არ გადაიხადა.
პრესიდიო ტერასი ქალაქში ერთ-ერთი პრესტიჟული ქუჩაა და ის 994 დოლარის დავალიანების გამო გაიყიდა.
ამას უნდა დაემატოს ჯარიმები და პროცენტები. სან-ფრანცისკოდან 70 კილომეტრში მდებარე სან-ხოსეში მცხოვრებმა წყვილმა 90 100 დოლარის ფსონი გააკეთა და აუქციონი მოიგო.
ბედის ირონიით 1948 წლამდე ამ ქუჩაზე სახლების ყიდვა მხოლოდ თეთრკანიანებს შეეძლოთ.
ქუჩის მცხოვრებლებმა ქონების დაკარგვის შესახებ მხოლოდ 30 მაისს გაიგეს, როცა მათ წყვილი დაუკავშირდა შეკითხვით: რამე რომ იყოს, ქონებას უკან ხომ არ გამოისყიდითო?
მიზეზი, რის გამოც სახლების მფლობელთა ასოციაცია 30 წელი გადასახადებს არ იხდიდა, ის იყო, რომ ქალაქი შეტყობინებას იმ ბუღალტერს უგზავნიდა, რომელიც ქუჩას აღარ ემსახურებოდა.
ლამი და ჩენი ორი წლის განმავლობაში ეძებდნენ ახლად შეძენილი უძრავი ქონების მონეტიზაციის ხერხს და ბოლოს გადაწყვიტეს, რომ ქუჩაზე არსებული 120 პარკირების ადგილიდან რენტას აიღებენ.
