ჭადრაკის ნაკრები: Charles Hollander
ფასი: 600 000 დოლარი
თეთრი ოქროსგან დამზადებული ეს ნაკრები შეგიძლიათ, პირდაპირ საწარმოს საიტზე შეუკვეთოთ. მოტანა აბსოლუტურად უფასოა!
ბურგერი: Le Burger Extravagant
ფასი: 295 დოლარი
ნიუ-იორკში, კაფე „Serendipity 3“-ში ამ სავსებით ჩვეულებრივ ბურგერს 295 დოლარად მოგართმევენ. თანაც ბურგერი ნამდვილად იჭმევა და არც კბილის საჩიჩქნია ბრილიანტით შემკული. შეკვეთის მსურველი კაფეში უნდა მივიდეს და ჩვეულებრივი მენიუ გამოიყენოს.
ავტომობილი: 1962 Ferrari 250 GTO
ფასი: 35 მილიონი დოლარი
1962 წლის საკოლექციო ავტომობილი Ferrari 250 GTO ბაზარზე, საშუალოდ, 35 მილიონი დოლარი ღირს. ავტომობილის მდგომარეობის მიხედვით ფასი შეიძლება, ცოტათი განსხვავდებოდეს.
ფოტოაპარატი: Susse Freres
ფასი: 775 000 დოლარი
1839 წელს პარიზის ფოტოატელიესთვის შეკვეთით დამზადებული დაგეროტიპული კამერა Susse Freres 2007 წელს რეკორდულ თანხად, 775 ათას დოლარად გაიყიდა.
სასტუმრო: Royal Penthouse Suite, Hotel President Wilson
ფასი: ერთ ღამეში 65 000 დოლარი
ჟენევაში 10-ოთახიანი და 7-საძინებლიანი ლუქსი თავის ფასს ამართლებს - დაუჯერეთ ევროპელ მონარქებს, რომლებიც აქ ოჯახებით ჩერდებიან.
პიანინო: Heintzman Crystal
ფასი: 3,22 მილიონი დოლარი
ორმეტრიანი პიანინო Heintzman Crystal პეკინშია აწყობილი და აუქციონზე უცნობმა მყიდველმა 3,22 მილიონ დოლარად შეიძინა.
სიგარა: Gurkha Black Dragon
ფასი: ცალი 1 150 დოლარი
ეს ჰონდურასული სიგარა პერსონალური ყუთით იყიდება, რომელიც აქლემის ჩლიქისგან არის დამზადებული. ამგვარი სიამოვნება 1150 დოლარი ღირს. ყიდვის მსურველები უნდა აჩქარდნენ - Gurkha Black Dragon-ის ნაკრები მცირე სერიებით მზადდება.
მოტოციკლი: Dodge Tomahawk V10 Superbike
ფასი: 700,000 დოლარი
ეს ოთხბორბლიანი, 1500-ცხენისძალიანი მონსტრი ადგილიდან 100 კმ/სთ სიჩქარეს 2,5 წამში აღწევს.
შამპანური: Heidsieck Monopole 1907
ფასი: 25 000 დოლარი
1990 წელს საფრანგეთის ტერიტორიულ წყლებში ჩაძირულ ხომალდს მიაკვლიეს, რომლის ბორტზეც 1907 წლის მოსავლის რამდენიმე ყუთი შამპანური იყო.
აუდიოსისტემა: Transmission Audio Ultimate System
ფასი: 2 მილიონი დოლარი
აუდიოსისტემა 500 კილოგრამს იწონის და საავიაციო ალუმინისგან არის დამზადებული. შიგნით მოოქროვილი სადენები და ვერცხლით დაფარული მემბრანებია.
საათი: Haute Joaillerie from Chopard
ფასი: 25 მილიონი დოლარი
ზოგი როლექსს ატარებს, ზოგი კი ნამდვილ ფუფუნებას არჩევს - საათი, რომელშიც უფრო მეტი ძვირფასი ქვაა, ვიდრე კბილანა.
ნახატი: ნომერი 5, 1948
ფასი: 140 მილიონი დოლარი
ჯეისონ პოლოკის ეს ნამუშევარი აუქციონებზე ყველა რეკორდს ხსნის.