ახალი წლის შემდეგ ვიმერს მეზობელმა დაურეკა და აღელვებული ხმით აგარაკის გაძარცვის შესახებ შეატყობინა. ვიმერმა პოლიციას მიმართა და მალე ინსპექტორი ვარნიკე უკვე ზილბერტის დაკითხვას აწარმოებდა.
ზილბერტის მონაყოლის მიხედვით, მან ღამით საეჭვო ხმაური გაიგონა. მიუხედავად ძლიერი ყინვისა, იგი მაშინვე წამოდგა საწოლიდან და ვიმერების აგარაკისკენ გაემართა.
ზილბერტმა ფანჯარაში შეხედვა სცადა, მაგრამ მინები მოყინული იყო. მაშინ მან მინაზე დააორთქლა და ყინულში მცირე ნახვრეტი გააკეთა. ნახვრეტში ფარანი შეანათა და საშინლად ანგრეული ოთახი დაინახა. დილით მან მომხდარის შესახებ პირდაპირ ვიმერს შეატყობინა.
- ყველაფერი გასაგებია, - ყინულივით ცივი ხმით განაცხადა ინსპექტორმა ვარნიკემ. - გთხოვთ, უკან გამომყვეთ.