კოკსაკის ვირუსი შეიძლება უსაფრთხო იყოს და შეიძლება მძიმე გართულებებიც გამოიწვიოს. ყველაზე რთულ შემთხვევებში ის მენინგიტში - ტვინის ანთებაში გადაიზრდება. ამას ახლავს ძლიერი თავის ტკივილები, მაღალი სიცხე, ხველა და სურდო, კუნთების ტკივილი, სინათლისა და შეხების მიმართ გაძლიერებული მგრძნობიარობა. თუმცა კოკსაკით მიღებული მენინგიტი მენინგიტის სხვა სახეობებთან შედარებით ნაკლებად სახიფათოა და ადვილად გადადის - არ იწვევს სერიოზულ შედეგებსა და გართულებებს.
კოკსაკის ვირუსით დაავადების იოლი ფორმების დროს გამონაყარი სახესა და ხელებზე, თვალის, პირისა და ყელის ლორწოვანი გარსის ანთება, სიცხე აღინიშნება. ვირუსსაწინააღმდეგო პრეპარატების მიუღებლობის შემთხვევაშიც კი დაავადება ორ კვირაში გადადის, მაგრამ არის გამონაკლისებიც, მათ შორის ლეტალური შედეგით. ეს განსაკუთრებით ბავშვებს ეხებათ, ამიტომაც დაავადების პირველივე ნიშნების დროს უნდა მივმართოთ ექიმს და აუცილებლად ვუამბოთ, რომ თურქეთში ვიყავით.
კოკსაკის ვირუსი, როგორც წესი, საკვებისა და სასმელის მიღების გზით ვრცელდება. ამიტომაც კურორტზე ყოფნისას მარტივი წესები არ უნდა დავივიწყოთ:
გავრეცხოთ ხილი, ბოსტნეული და კენკრა
დავიბანოთ ხელები
დავიცვათ პირადი ჰიგიენის წესები
დავლიოთ მხოლოდ ანადუღარი ან ბუთილირებული წყალი
ამას გარდა, დაავადება ჰაერ-წვეთოვანი გზითაც ვრცელდება. ამიტომაც უნდა მოვერიდოთ საერთო აუზებსა და საუნებს. ეს განსაკუთრებით ბავშვებს ეხებათ. თურქეთში ყოფნისას ბავშვები არ უნდა ჩავწეროთ კურორტის საბავშვო კლუბებში და გამოვრიცხოთ აუზებში მათი ბანაობა.