eBay-ზე გაყიდული 5 ყველაზე უჩვეულო სატრანსპორტო საშუალება
საკნატუნო ამბები
ქსელური აუქციონის eBay-ს არსებობის წლებში იქ ყველაფერი იყიდებოდა - სენდვიჩიდან დაწყებული, რომელზეც ქალწული მარიამის სახე გამოისახა, ისლანდიით (დიახ, მთელი ქვეყანა იყიდებოდა) დამთავრებული. ჩვენ კი ახლა უჩვეულო სატრანსპორტო საშუალებებზე ვისაუბრებთ.
-
2002 წელს კომპანია Disney-იმ eBay-ზე ცნობილი მონორელსური მატარებელი Mark IV monorail გაყიდა. იფი ბობ გარმა შექმნა და 1969 წელს კომპანია Martin Marietta-მ ააგო. Mark IV დისნეი ლენდის მონორელსურ სისტემებზე 1971-დან 1989 წლამდე მუშაობდა. ზოგმა ეგზემპლარმა 1991 წლამდეც კი გაძლო. მატარებელი 20 000 დოლარად გაიყიდა.
-
2005 წელს ბრიტანულ eBay-ზე ნამდვილი სპორტული ავტომობილი Lotus Esprit, სულ რაღაც, 50 პენსად გაიყიდა. ის რადიოწამყვან ტიმ შოუს მეუღლემ გაყიდა, როცა გაიგო, რომ მეუღლე სუპერმოდელ ჯოდი მარშთან ღალატობდა. შოუს კოლექციის კუთვნილი ავტომობილი 5 წუთში გაიყიდა.
-
2005 წლის მაისში 277171 დოლარად „ფოლკსვაგენ გოლფი“ გაიყიდა. ესოდენ დიდი ფასი იმ მიზეზმა განაპირობა, რომ ავტომობილი ადრე იოზეფ რატცინგერს ეკუთვნოდა, რომელიც უფრო რომის პაპ ბენედიქტ XVI-ის სახელით არის ცნობილი. ავტომობილი ონლაინკაზინო GoldenPalace.com-მა თავისი რეკლამისთვის შეიძინა.
-
2006 წლის მაისში ჩინელმა ბიზნესმენმა ძიან ჩენმა ამერიკელი გამყიდველისგან 24 730 დოლარად ჩამოწერილი გამანადგურებელი МиГ-21 შეიძინა, რომელიც მანამდე ჩეხოსლოვაკიის სამხედრო საჰაერო ძალებს ეკუთვნოდა. გამყიდველმა გაყიდვის შემდეგ თვითმფრინავის ჩინეთში გადაგზავნაზე უარი განაცხადა, მას იმედი ჰქონდა, რომ მყიდველი ამერიკელი აღმოჩნდებოდა. კონფლიქტი რით დასრულდა, უცნობია.
-
2004 წლის თებერვალში მაიკ ლინდმა კომპანია Landa and Associates-დან გასაყიდად McDonnell Douglas F/A-18 Hornet გამოიტანა. მისი საწყისი ფასი 1 მილონ დოლარი იყო. მანამდე მან თვითმფრინავი ჩამოწერილი შეიძინა და საფრენ მდგომარეობამდე აღადგინა. გამოძიების ფედერალურმა ბიურომ თვითმფრინავის საზღვარგარეთ გაყიდვა აკრძალა. ამის გამო ლინდი იძულებული გახდა, თვითმფრინავი გაყიდვიდან მოეხსნა - შტატებში მისი მყიდველი არ მოიძებნა.
