ჯილდოები 12 კატეგორიაში გაიცა, დაწყებული კონცეპტუალური და ნიუს სტილის ფოტოებიდან და ველური ბუნებისა და არქიტექტურის კადრებით დასრულებული. გაიმარჯვა როგორც ცალკეულმა ფოტოებმა, ასევე ფოტოსერიებმაც. მათ ჟიური აფასებდა, რომელიც ფოტოგრაფების, კრიტიკოსებისა და გალერისტებისგან შედგებოდა.
მთავარი პრიზი 5000 დოლარი იყო და ის კარს ტუინდელს ერგო აფრიკის თევზის ბაზრის ფოტოსთვის.
ფოტოების სერიისთვის მთავარი პრიზი მიიღო ბრიტანელმა ფოტოგრაფმა ანუპ შაჰმა. მისი ფოტოსერია The Mara კენიის ველური ბუნების კადრებს წარმოგვიჩენს.
კატეგორიაში „კონცეპტუალური“ პირველი ადგილი მელისა ამბერისა და ეშლი ნიკოლის ნამუშევარს „ქალი+მგელი“ ეგრო.
პორტრეტის კატეგორიაში პირველი ადგილი ჟან-ფრანსუა ცენტრალის ფოტომ „კამერის სახემ“ მიიღო.
პრიზი კატეგორიაში „სახვითი ხელოვნება“ ევა კვიკლის ფოტომ „ოქროს კვერცხმა“დაიმსახურა.
პაოლო ლაზაროტის კადრმა „პოსეიდონის უხეში ხმა“ კატეგორიაში „პეიზაჟი“ პირველი ადგილი მიიღო.
კატეგორიაში „მოგზაურობა“ პირველი ადგილი მიეკუთვნა ალექსანდრინო აიროსის ნამუშევარს „კუნძულ მენტავაის აბორიგენი“.
კატეგორიაში „ფოტოჟურნალიზმი“ ძირითადი პრიზი მიიღო ჯანეტ გრეგორის ფოტომ „ანჯელა და მისი შვილი“.
