დინგლეიმ თავისი ელექტროციგის შესაქმნელად Arduino-ს აპარატული და პროგრამული უზრუნველყოფა გამოიყენა. მისი განცხადებით, მსგავსი სატრანსპორტო საშუალების შესაქმნელად მას „ვარსკვლავური ომებიდან“ ანტიგრავიტაციულმა აპარატმა (Landspeeder) და კაიტბაგიმ უბიძგა
ციგის წინა ბორბალს მიმართულება ფეხით ეცვლება, უკანა ბორბლები კი ერთმანეთთან ახლოსაა განლაგებული, ვინაიდან ციგას ძირითადად სწორი მიმართულებით უწევს მოძრაობა. მოხვევის რადიუსი საკმაოდ დიდი გამოვიდა, მაგრამ ეს ასეც იყო ჩაფიქრებული.
დინგლეი ციგაზე წამოწოლილ მდგომარეობაში გადაადგილდება, რაც ქარის წინააღმდეგობას მინიმუმამდე ამცირებს. ამასთანავე, ძრავა და აკუმულატორები მაქსიმალურად დაბლაა განთავსებული, რაც ციგის მდგრადობას აძლიერებს. ციგას მცირე კლირენსი და ფართო ბორბლები აქვს და ის ქვიშაში არ ჩაეფლობა. მას გოლფის ელექტროავტომობილის 500-ვატიანი ძრავა უყენია.
