ეს უბრალოდ ქვიშის ციხე-დარბაზი არაა - ეს ნამდვილი ბაბილონის გოდოლია, რომელსაც მსოფლიოს ათი ქვეყნის 15 მხატვარი აგებდა.
შენობა ტურისტული ღირსშესანიშნაობებით მორთეს, რომელთა შორის ათენის აკროპოლის, საგრადა-ფამილიას (ბარსელონა) ტაძრისა და პიზის კოშკის ადგილიც გამოინახა.
ციხე-დარბაზის მშენებლობა გერმანული ტურისტული ფირმის ორგანიზებით მოხდა, რეალიზაციას 3500 ტონა ქვიშა და 25 დღის შრომა დასჭირდა.
ციხე-დარბაზი, მინიმუმ, 24 სექტემბრამდე უნდა იდგას. გინესის რეკორდების წიგნში ის დაარეგისტრირეს, როგორც ყველაზე გრანდიოზული. მანამდე ამ ტიტულის მფლობელი ინდოეთში აგებული ციხე-დარბაზი იყო, 14,84 მეტრი სიმაღლით.