როცა დი მეიროს ვალმა დიდ თანხას მიაღწია, მის ვილას ინსპექტორი ვარნიკე ესტუმრა.
ვილის მეპატრონემ ინსპექტორი გულღიად მიიღო და თავისი სახლი დაათვალიერებინა, სადაც კედლებზე სხვადასხვა რელიკვიები და ცხოველთა ფიტულები და ტყავები იყო გამოფენილი.
- მთელი ეს კოლექცია მდინარე ამაზონის აუზში მოვაგროვე, - მოკრძალებით აუხსნა დონ ალფრედომ.
ინსპექტორი ვარნიკე კოლექციის დათვალიერებას დიდი გულისყურით შეუდგა. ბოლოს მძიმედ ამოიოხრა და მასპინძელს დაემშვიდობა. იქიდან გამობრუნებული ვარნიკე მაშინვე პოლიციის განყოფილებაში მივიდა.
- ეს ადამიანი თავზეხელაღებული მატყუარაა, - განაცხადა პოლიციაში ინსპექტორმა. - ძალიან საეჭვოა, რომ ჩვენი ქალაქის რომელიმე გავლენიანმა მოქალაქემ თავისი ფული უკან დაიბრუნოს!
რა ვითარებამ აიძულა ინსპექტორი ვარნიკე, ასეთ დასკვნამდე მისულიყო?
